Cnews-ის რედაქტორი, ელისო კილაძე, რომელიც აქტიურად ავლენს ნარკოტიკების გამავრცელებლებს სოციალურ ქსელში საგანგაშო წერილს აქვეყნებს, რომელიც მას 24 წლის ნარკომომხარებელმა გოგომ მისწერა.

"#წასაკითხია‼️წერილი დილით დამხვდა მესენჯერში:

გამარჯობა ქალბატონო ელისო...მეც ერთ-ერთი ის გოგო ვარ რომელიც ძალიან კარგი ადამიანი იყო, ძალიან კარგად სწავლობდა და სპორტული ცხოვრებით იყო დაკავებული..

19 წლის ვიყავი ერთი ბიჭი მომწონდა ძალიან, ერთმანეთს ვხვდებოდით,მერე აღმოვაჩინე რომ ნარკომანი იყო..

არ ვიცოდი არაფერი საერთოდ წამლის შესახებ, ჩემი ოჯახისგან ძალიან შორს იყო ნარკოტიკი და სხვაგანაც არსად მენახა...

19 წლის ვიყავი როცა პირველად გავსინჯე ის რაც არ ვიცოდი რა იყო... 24 წლის ვარ ახლა...5 წელია ჩემი ცხოვრება საერთოდ სხვა ადამიანის ცხოვრებას გავს...ორჯერ დამეხმარა დედაჩემი,ორჯერ ჩამაწვინა სახლში და ჩემთან ერთად გადიოდა ჯოჯოხეთს..ორჯერ გადავაგდე ფიზიკურად მაგრამ ვერაფერს ვუხერხებდი ფსიქიკას მინდოდა და მინდოდა...როგორც კი გარეთ გავიდოდი მკურნალობის შემდეგ თავიდან იწყებოდა ყველაფერი..

ახლა როცა უკვე აღარც ფინანსები შემრჩა და აღარც არაფერი ჩემი 24 წლის ნაცხოვრებიდან....

ვზივარ და ვწვალობ და ვფიქრობ როდის დამთავრდება სამუდამოდ ეს ჯოჯოხეთი....არვიცი რაღაცნაირად მინდოდა რომ მომეწერა..

მე შევცდი მაგრამ უთხარი 18 19 წლის ან(+) გოგოებს რომ არასდროს არაფერს გაეკარონ რასაც შესთავაზებენ...და თუ კი ეს შეცდომა უკვე დაშვებულია, გვიანი არასდროსაა იბრძოლო უკეთესი ცხოვრებისთვის სანამ ვარსებობთ..

მაგრამ რთულია....ძალიან რთულია, მართლა..

იცით როგორ მენატრება დილა, რომლის გათენებაც გამიხარდება......მადლობა რომ ბრძოლობთ ჩემთვის, სხვისთვის და მთლიანად საქართველოსთვის...

მადლობა......." - წერს ელისო კილაძე.