"მოახლოვდა დრო, აღსრულდეს სამართალი" - გიორგი ანწუხელიძის ცოლი

"მოახლოვდა დრო, აღსრულდეს სამართალი" - ასე გამოეხმაურა გიორგი ანწუხელიძის ცოლი Europetime -თან ინტერვიუში, უკრაინაში რუსეთის საჰაერო-სადესანტო პოლკის მეთაური, პოლკოვნიკი სერგეი სუხარიევის დაღუპვას.

გავრცელებული ცნობით, იგი მონაწილეობას იღებდა საქართველოს ეროვნული გმირის, გიორგი ანწუხელიძის წამებაში.

"რასაც უკრაინაში ვუყურებ, ისედაც განმიახლდა ყველა ტკივილი... რუსეთის სახე, ნაწამები გიორგია ჩემთვის.

მე ვუყურებ როგორ იღუპებიან ბავშვები, ორსულები, მოხუცები და მახსენდება ის კადრები, რომელთა ყურება დღემდე ბოლომდე ვერ შევძელი - გიორგის წამების კადრები...

როგორც გავრცელდა ინფორმაცია, უკრაინაში დაიღუპა ერთ-ერთი ის რუსი პოლკოვნიკი, რომელიც მონაწილეობდა ჩემი მეუღლის წამებაში.

მოახლოვდა დრო, აღსრულდეს სამართალი და პუტინის რუსეთმა პასუხი აგოს ყველაფრისთვის, რაც ჩაუდენიათ და რამდენი ცრემლიც დაუღვრიათ დედამიწაზე თავიანთი სისასტიკით",- განაცხადა ანწუხელიძის ცოლმა.

ცნობისთვის, 18 მარტს, უკრაინის შეიარაღებულ ძალებთან ბრძოლის დროს რუსეთის საჰაერო-სადესანტო პოლკის მეთაური, პოლკოვნიკი სერგეი სუხარიევი მოკლეს.

Украинская правда-ს ცნობით, 331-ე გვარდიის საჰაერო-სადესანტო პოლკი სერგეი სუხარიევის მეთაურობით მონაწილეობდა, როგორც ჩეჩნეთის, ასევე 2008 წლის რუსეთ-საქართველოს ომში. 

სხვა სიახლეები:

⬛  რა არის ჩერნობილის ყველაზე უარესი სცენარი? - ექსპერტების განმარტება

⬛ "ომის დაწყებიდან, უკრაინაში დაახლოებით 14 400 რუსი სამხედრო პერსონალი დაიღუპა" - უკრაინული მხარე

⬛  ვახო სანაია და მისი მეუღლე უკრაინაში იმყოფებიან