"რუსეთს ეს უფრო გააღიზიანებს, ვიდრე სანქციები ჩვენი მხრიდან" - რას წერს ჟურნალისტი მერაბ მეტრეველი

ჟურნალისტი მერაბ მეტრეველი  ევროკავშირის მიერ მზაობას, რომ წევრობის განაცხადები საქართველოდან და მოლდოვიდან მიიღოს სოციალურ ქსელ "ფეისბუკში" ეხმაურება:

"ესე იგი, ოპოზიცია ამტკიცებს, ჩემი დამსახურებაა ხელისუფლებას ევროკავშირის წევრობაზე განაცხადი რომ შეაქვსო, მედია და სამოქალაქო სექტორი ამტკიცებს, აქციების დამსახურებაა, ჩვენ რომ მოვხოდეთო, მთავრობა კიდევ თავისას გაიძახის.

არადა, სინამდვილეში ყველაფერი ისევ ეროკავშირის დამსახურება და გადაწყვეტილებაა.

სწორედ მათ უთხრეს ჩვენს მთავრობას, შემოიტანეთო და ამათაც შეაქვს.

სულ ეგაა.

მართლა გჯერათ, რომ ან ოპოზიციის მუქარით, ან აქციებით შეშინებულმა მთავრობამ გააქანა და ევროკავშირთან კონსულტაციების გარეშე განაცხადი გლიჯა?

და მოლდოვის მთავრობა ვინ შეაშინა?

კითხულობენ, აბა, 2 მარტს რატომ უარობდა კობახიძე შეტანასო?

ძალიან მარტივია:

2 მარტს თავად ევროკავშირში არ იყვნენ ჯერ ჩამოყალიბებულნი, მარტო უკრიანისთვის უნდა მიეცათ კანდიდატის სტატუსი, თუ საქართველო და მოლდოვაც მიეყოლებინათ.

შესაბამისად, რადგან კობახიძეს იქიდან თანხმობა არ ჰქონდა, თქვა ის, რაც თქვა. მეორე დღეს ევროკავშირი ჩამოყალიბდა, უთხრა ამათ შემოიტანეთო და ამათაც შეაქვთ. სულ ესაა.

ახლა იძახეთ, არა ჩვენი დამსახურებაა, არა ჩვენიო.

გლობალურად კი ბატონო, ყველას დამსახურებაა, ვინც ეს წლები დასავლურ კურსს ლობირებს.

ხელისუფლების დამსახურება ისაა, რომ ამ შემოთავაზებაზე უარი არ თქვა რუსეთის შიშით.

არადა, რუსეთს ეს უფრო გააღიზიანებს, ვიდრე სანქციები ჩვენი მხრიდან", - წერს მეტრეველი.

„ქართული ოცნების“ თავმჯდომარე ირაკლი კობახიძემ გუშინ განაცხადა, რომ საქართველო ევროკავშირს წევრობის კანდიდატის სტატუსის მისაღებად დაჩქარებული წესით მიმართავს.

ამავე თემაზე:

🔲 "ევროკავშირი მზად არის, მიიღოს წევრობის განაცხადები საქართველოდან და მოლდოვიდან " - უცხოური მედია 

🔲  ისტორიული დღე საქართველოსთვის - ქვეყნის სახელით ხელს ვაწერ ევროკავშირის წევრობაზე განაცხადს - პრემიერმინისტრი