"ყველას ახლა გაახსენდა, არჩევნები, მმართველი პოლიტიკური ძალა, ოპოზიცია, კრიმინალები, ეკლესია ...ჩვენ ამ მკვლელობის თანამონაწილეები ვართ!!!.... დიახ, არ უნდა ვდუმდეთ და უნდა ვმოქმედებდეთ.. მაგრამ დღეს არაა... დღეს როცა ბავშვის ცხედარი ჯერ არც კი გაცივებულა"

იურისტი, ჯანო ჭკადუა სოციალურ ქსელში ზუგდიდში  მოზარდის სასტიკი მკვლელობის ფაქტს ეხმაურება წერს:

"14 წლის ბავშვი გარდაიცვალა... მოკლეს...

ყველას ახლა გაახსენდა, არჩევნები, მმართველი პოლიტიკური ძალა, ოპოზიცია, კრიმინალები , ეკლესია და ვინ იცის კიდევ ვის, ვინ გაახსენდა...

ვისაც არ ეზარება, ყველა ილანძღება და ერთმანეთისკენ იშვერს ხელს... გრცხვენოდეთ!!!....

მართლა გრცხვენოდეთ !!!

ახლა სხვაში ბრალის პოვნას, სჯობს საკუთარ თავში ეძებოთ ამ მკვლელობის თანამონაწილე, რადგან თითოეული ჩვენგანი მონაწილეა ამ მკვლელობის... არ არის აუცილებელი დაარტყა... უბიძგო..წააყეზო.. დუმილიც დანაშაულია... დუმილიც თანამონაწილეობააა... და ჩვენ ამ მკვლელობის თანამონაწილეები ვართ!!!....

დიახ, არ უნდა ვდუმდეთ და უნდა ვმოქმედებდეთ.. მაგრამ დღეს არაა... დღეს როცა ბავშვის ცხედარი ჯერ არც კი გაცივებულა, ყველა უნდა ვდუმდეთ... ყველა და განსაკუთრებით პოლიტიკური პარტიის წარმომადგენლები...
აი მერე..

მერე კი დუმილი ისევ დანაშაული იქნება, მაგრამ არა დღეს.. დღეს დადუმდით!", - წერს იურისტი.

ზუგდიდში, გუშინ 20 ნოემბერს საფეხბურთო მოედანზე დაწყებული კამათი, მოედნის გარეთ გაგრძელდა, რაც 15 წლის მოზარდის მკვლელობით დასრულდა. პოლიციამ მომხდარიდან მალევე, მკვლელობის ბრალდებით 2005 წელს დაბადებული პირი დააკავა. მკვლელობის მოტივი ამ დრომდე უცნობია. ცივი იარაღით დაჭრილი მოზარდი კლინიკაში მიყვანამდე გარდაიცვალა.

ამავე თემაზე:

*  პოლიციამ ზუგდიდში 15 წლის ბიჭის მკვლელობის ფაქტზე 17 წლის ახალგაზრდა დააკავა