ქართველი ძიუდოისტების ტრიუმფი თბილისის გრანდ სლემზე
საქართველოს ძიუდოისტთა ნაკრებმა თბილისის გრანდ სლემი 4 ოქროს და ერთი ბრინჯაოს მედლით დაასრულა.
თბილისის გრანდ სლემის მესამე და დასკვნითი დღე საქართველოს ჰიმნით დაიხურა. გურამ თუშიშვილმა ჩემპიონობა იზეიმა. ჰიმნმა მანამდეც გაიჟღერა ლაშა ბექაურის გამარჯვების აღსანიშნავად.
ოლიმპიური ჩემპიონი ლაშა ბექაური (-90 კგ) ფინალამდე გზას მეორე წრიდან შეუდგა. დაამარცხა აზერბაიჯანის, აშშ-ის, რუმინეთის და საბერძნეთის წარმომადგენლები, ოქროს მედლისთვის შეხვედრაში კი აზერბაიჯანელ ელიან ჰაჯიევს იპონით მოუგო და კარიერის მესამე და თბილისის გრან სლემის მეორე ოქროს მედალი დაისაკუთრა.
პირველი წრიდან დაიწყო შეჯიბრი მძიმე წონაში ოლიმპიური თამაშების ვერცხლის მედალოსანმა გურამ თუშიშვილმა. მოუგო გერმანელ, მონღოლ, სლოვაკ და ყაზახ ძიუდოისტებს. ოქროს მედლისთვის შეხვედრაში კი აზერბაიჯანის სახელით მოასპარეზე უშანგი კოკაურთან მოუწია შეხვედრა. მძიმეწონოსანთა დაპირისპირებაში ეფექტური იპონით თუშიშვილმა გაიმარჯვა და საქართველოს ჰიმნიც აჟღერდა.
თუშიშვილამდე ამავე წონაში ჩვენს გუნდს ბრინჯაოს მედლით თავისი წილი ჯილდო შემატა იუნიორთა შორის მსოფლიო ჩემპიონმა საბა ინანეიშვილმა.
გრანდ სლემის მესამე დღეს საქართველოს წარმატებულმა გამოსვლამ ჩვენს გუნდს საერთო გუნდურ ჩათვლაში პირველობა მოუპოვა.
ერთი დღით ადრე ჩემპიონობა იზეიმა ლაშა შავდათუაშვილმა (-73 კგ), რომელმაც ფინალში რუსი გალსტიანი იპონით დაამარცხა, პირველ დღეს კი ოქროს მედალი მოიპოვა საქართველოს ქალთა ნაკრების ლიდერმა ეთერ ლიპარტელიანმა (-57 კგ).
თბილისის გრანდ სლემი იმითაც იყო მნიშვნელოვანი რომ აქტიური სპორტიდან გააცილეს ჩვენი სახელოვანი ძიუდოისტები: მსოფლიოს ჩემპიონი და ვერცხლის მედალოსანი, ევროპის ორგზის ჩემპიონი და ვერცხლის მედალოსანი, ასევე ევროპული თამაშების ოქროს და ვერცხლის მფლობელი ავთანდილ ჭრიკიშვილი და ოლიმპიური თამაშების ვერცხლის, მსოფლიო ჩემპიონატების სამი ვერცხლის და ამდენივე ბრინჯაოს და ევროპის სამგზის ჩემპიონი, ოთხი ვერცხლის და ერთი ბრინჯაოს და ევროპული თამაშების ორი ვერცხლის მედლის მფლობელი ვარლამ ლიპარტელიანი.
წყარო: საქართველოს ეროვნული ოლიმპიური კომიტეტი
1714206526
ჰოროსკოპიმაისი - 2024 წლის ყველაზე ფეიერვერკული თვე - „თუ თქვენ მზად ხართ ახალ ჰორიზონტებს შეეჭიდოთ ახლა სწორედ ამის დროა“
„საოცარი მაისი გველოდება წინ, ყველა გაგებით. 1 - 6 მაისამდე ეფექტური პერიოდია, მარტივად შეძლებთ კონფლიქტების მოგვარებას, ყველა ჩიხიდან შეძლეთ გამოსვლას. 12 - 20 მაისამდე პერიოდი, საკმაოდ რთულია, აქ მა...
1714201666
საზოგადოება„ნეტავი, იქ თეატრი არის?“ - 27 აპრილი კახი კავსაძის გარდაცვალების დღეა
2021 წლის 27 აპრილს 85 წლის ასაკში კახი კავსაძე გარდაიცვალა. იგი ბოლო ორი თვის განმავლობაში, პირველ საუნივერსიტეტო კლინიკაში მკურნალობდა. კახი კავსაძეს კორონავირუსი 2020 წლის 28 ნოემბერს დაუდგინდა. რა...
1714199655
მსოფლიობაღდადში ერაყელი TikTok ვარსკვლავი ომ ფაჰადი მოკლეს
ბაღდადში ერაყელი TikTok ვარსკვლავი ომ ფაჰადი მოკლეს. ამის შესახებ ადგილობრივ მედიაზე დაყრდნობით BBC წერს. ერაყის შსს-ს ინფორმაციით, „სოციალურ მედიაში ცნობილი ადამიანი უცნობმა თავდამსხმელებმა მოკლეს“....
1714198250
საზოგადოებათბილისში თბილი ამინდი შენარჩუნდება - როგორი ამინდია მოსალოდნელი 27-29 აპრილს საქართველოში
27-29 აპრილს საქართველოში სითბოს ფონზე ზოგან ხანმოკლე წვიმა და ელჭექია მოსალოდნელი, შესაძლებელია სეტყვაც. ინფორმაციას ამის შესახებ გარემოს ეროვნული სააგენტო ავრცელებს. თბილისში შენარჩუნებული იქნება თ...
1714163647
ჰოროსკოპი27 აპრილის ასტროლოგიური პროგნოზი
რას გვირჩევენ ვარსკვლავები 27 აპრილისთვის ჯანმრთელობის, ბიზნესის და სიყვარულის მიმართულებით? ვერძი ამ დღის ზოგი სიახლე დადებით ემოციებს და კმაყოფილების გრძნობას მოგიტანთ. მზად იყავით ახლობელი ადამიან...