"არავის არ სიამოვნებს ადამიანების ხოცვა, მაგრამ როდესაც ბოროტება ომს უცხადებს სიკეთეს, სხვა არჩევანი აღარ გრჩება" - ირაკლი ოქრუაშვილი მორიგ მიმართვას ავრცელებს

საქართველოს თავდაცვის ყოფილი მინისტრი ირაკლი ოქრუაშვილი, რომელიც უკრაინაში იმყოფება, მორიგ მიმართვას ავრცელებს და წერს:

"ნამდვილ ჯოჯოხეთში ვიყავით ორი დღე.

მსგავსი ომი ფილმებშიც არაა ასახული.

50-კაციანი ჯგუფიდან დავკარგეთ სამი უკრაინელი პატრიოტი.

სამარადისო ხსოვნა და დიდება მათ. მსუბუქად დაგვეჭრა ორი წევრი და ერთმა კანტუზია მიიღო.

საიქიოს გავისტუმრეთ 35-მდე რუსეთელი (რუსიც და არარუსიც).

შეუძლებელია სიტყვებით გადმოსცე ის ბრძოლა, რომელიც 48 საათი გაუჩერებლად მიდიოდა და კიდევ გრძელდება.

არავის არ სიამოვნებს ადამიანების ხოცვა, მაგრამ როდესაც ბოროტება ომს უცხადებს სიკეთეს, როდესაც რეგრესს სურს პროგრესის განადგურება და დიქტატორს სურს დემოკრატია მოკლას, სხვა არჩევანი აღარ გრჩება ასეთ ბრძოლაში.

რომ არა ერთი უკრაინელი მფრინავი და არტილერისტები, დანაკარგი უფრო მეტი გვექნებოდა.

ასამდე მხოლოდ 152 მმ-იანი ჭურვი გვესროლეს 6 საათში, მაგრამ ვისაც არ ესმის ეს რას ნიშნავს, ადვილად ვერ მიხვდება.

დღის გმირი მაინც ნოდო სიმონიშვილი იყო, რომლის გამბედაობაზე მეტად სითავხედე და ნიჭი ყველამ ერთხმად აღიარა (14 გასროლით 15 ორკი დაადუმა სამუდამოდ).

ყველა ამაყი ვიყავით, როდესაც ჩვენი “სითავხედით” გაკვირვებულები გვიყურებდნენ შვედები, პოლონელები, ჩეხები და მრავალი სხვა.

ბოლოს უკრაინელებმა ძალით გამოგვიყვანეს, დასვენების დრო გაქვთ და ახლა ჩვენი ჯერიაო”, – აღნიშნავს ოქრუაშვილი.

სხვა სიახლეები:

🔵 ზელენსკი: მეშვიდე დღეს დაანგრიეს ჩვენი წმინდა სალოცავები. მარიუპოლში მეცამეტე დღეს, ბავშვი გაუწყლოების შედეგად გარდაიცვალა - ბოლომდე ვიბრძოლებთ

🔵 პოლონელი დედები, უკრაინელი დედებისთვის, საზღვართან საბავშვო ეტლებს ტოვებენ

🔵 ჯო ბაიდენი: უკრაინა ვერასოდეს გახდება პუტინის გამარჯვება