Exclusivetv.ge-ს ჟურნალისტის, ნინა მამუკაძის კითხვა ტოსკანას პრეზიდენტს უკრაინაში განვითარებულ მოვლენებთან დაკავშირებით (ვიდეო)

იტალიაში, ფლორენციის პროვინცია სკანდიჩის მთავარ მოედანზე უკრაინის მხარდამჭერი მშვიდობიანი აქცია გაიმართა, რომელსაც ტოსკანას არაერთი ქალაქის მერი, ადგილობრივი მოსახლეობა, იტალიაში მცხოვრები უკრაინელები და ტოსკანას რეგიონის პრეზიდენტი, ეუჯენიო ჯანი ესწრებოდნენ. აქციაზე მკვეთრად და ცალსახად დაფიქსირდა უკრაინის მხარდაჭერა, პუტინის დიქტატორული პოლიტიკის მიუღებლობა და რუსეთის სასწრაფოდ შეჩერების აუცილებლობა.

აქციის დასასრულს, ტოსკანას რეგიონის პრეზიდენტმა ეუჯენიო ჯანიმ ჟურნალისტებთან კომენტარი გააკეთა, რომელსაც შეკითხვა ექსკლუზივტვ-ის ჟურნალისტმა და იტალიის ბიუროს ხელმძღვანელმა ნინა მამუკაძემაც დაუსვა. შეკითხვა რუსეთისათვის სანქციების დაწესებას ეხებოდა.

ეუჯენიო ჯანო: „ჩვენ ვიმყოფებით წინააღმდეგობისა და გამძლეობის სახელობის მოედანზე და ეს გვახსენებს ჩვენს წიანააღდეგობასა და გამძელობას ნაციზმისა და ფაშიზმის წინააღმდეგ. პუტინმა სწორედ ნაცისტური ქმედებები გამოავლინა უკრაინის წინააღმდეგ და ჩვენ უნდა ვიყოთ ძლიერები და გამოვიდეთ ბურუსიდან. ევროპის გულში ხედავს ერი, რომელიც ილტვის თავისუფლებისკენ და რომელმაც აირჩია საკუთარი ხელისუფლება, როგორ იჩაგრება  მეორე ერისგან, რომლის მმართველიც იქცევა დიქტატორივით და დამპყრობელივით, ამაზე თვალი არ უნდა დავხუჭოთ. იტალიის კონსტიტუცია უარყოფს წინააღმდეგობების გადაჭრას ომის გზით. სწორედ ამიტომ ვართ ძლიერები რომ განვაცხადოთ, დავამტკიცოთ მშვიდობა ჩვენ მიერ უკრაინელი ერისადმი სოლიდარობის გამოცხადებით.“

კითხვაზე, თუ რამდენად იმოქმედებს ევროპის მიერ დაანონსებული სანქციები ტოსკანას ეკონომიკაზე, რეგიონის პრეზიდენტმა, შემდეგი პასუხი გასცა - „ვიცი, ეს ჩვენი რეალობაა, მაგრამ სხვაგვარად არ შეგვიძლია მოვიქცეთ. ეს არის ბერკეტი, რომელსაც შეუძლია პუტინის დაჩოქება. იმის გათვალისწინებით, რომ რუსეთის ეკონომიკური მდგომარეობა განადგურებულია, შესაძლოა ვიფიქროთ, რომ უკრაინის დაპყრობა და ამ ომის წარმოება დაიწყო ხალხის ყურადღების გადატანის გამო, რადგან გვახსოვს, მისი პროპაგანდა ვაქცინა „სპუტინიკის“ ირგვლივ, რომელიც მთლიანად ჩავარდა და ვირუსით გარდაცვალების რეკორდმა სწორედ რუსეთში მიაღწია. ისე ჩანს, რომ რუსეთის მოსახლეობა მშიერია და პუტინმა სწორედ ყურადღების გადატანის გამო დაარტყა უკრაინას. სწორედ ამიტომ სანქციებმა შესაძლოა გაამართლონ, ეს შეიძლება იმას ნიშნავდეს, რომ ჩვენ ვიწვნიოთ, მაგრამ არა ისე მწვავედ, როგორც საწყალი უკრაინელი ერი წვალობს, რომელიც რუსული ჯავშანტექნიკისა და ბომბების ზემოქმედების ქვეშაა. ამ მომენტში სოლიდარობა მშვიდობისა და დემოკრატიის სახელით, აუცილებელია.“

ჩვენი ჟურნალისტი პრეზიდენტს ჩაეკითხა, თუ რამდენად შეაჩერებდა პუტინს სანქციები, მით უმეტეს, რომ თავის დროზე საქართველოს შემთხვევაში ამ ყველაფერმა არ იმოქმედა. ეუჯენიო ჯანიმ რამდენჯერმე გაიმეორა, რომ ეს ერთადერთი ბერკეტია რუსეთის შესაჩერებლად.

აგრეთვე დაგაინტერესებთ:

📌 EuropaToday - “ის რაც ხდება უკრაინაში უკვე მოხდა საქართველოში! ვინ იქნება შემდეგი?”

📌 იტალიის პრემიერი: "იტალიის მთავრობა გმობს რუსეთის თავდასხმას უკრაინაზე"

📌 პრორუსი მატეო სალვინი პუტინის სამხედრო აგრესიას გმობს