ზელენსკი: თუ ვინმეს, ვინც შეიძლება შემდეგი გახდეს, სურს ნეიტრალური დარჩეს დღეს, რათა არაფერი დაკარგოს, ეს ყველაზე სარისკო ფსონია, რადგან ყველაფერს დაკარგავენ

"თუ ვინმეს, ვინც შეიძლება შემდეგი გახდეს, სურს ნეიტრალური დარჩეს დღეს, რათა არაფერი დაკარგოს, ეს ყველაზე სარისკო ფსონია, რადგან ყველაფერს დაკარგავენ",- ამის შესახებ, უკრაინის პრეზიდენტმა რუსეთის უკრაინაში შეჭრის 58-ე დღის შემაჯამებელ ვიდეომიმართვაში განაცხადა.

ზელენსკის თქმით, ყველა ერმა, ვისაც უკრაინასთან ერთად სიკვდილზე სიცოცხლის გამარჯვების სჯერა, მათთან ერთად უნდა იბრძოლოს.

"დღეს, რუს სამხედროებზე მითითებით გავრცელდა ინფორმაცია, რომ მათი ამოცანა ახლა, თითქოს უკრაინის სამხრეთზე კონტროლის დამყარება და მოლდოვის საზღვართან მისვლაა და თითქოს იქ, მოლდოვაში, რუსულენოვანთა უფლებები ირღვევა, თუმცა მართალი გითხრათ, ტერიტორია, სადაც რუსეთმა რუსულენოვანი ადამიანების უფლებებზე უნდა იზრუნოს, თავად რუსეთია, სადაც არ არის სიტყვის თავისუფლება, სადაც ადამიანის სიცოცხლე უსარგებლოა.

რუსეთის შეჭრა უკრაინაში მხოლოდ დასაწყისი იყო, მერე სხვა ქვეყნების ხელში ჩაგდება უნდათ.

რა თქმა უნდა, ჩვენ საკუთარ თავს დავიცავთ მანამ, სანამ საჭირო იქნება რუსეთის ფედერაციის ამ ამბიციის დასამსხვრევად, მაგრამ ყველა ერმა, რომელსაც ჩვენ მსგავსად, სიცოცხლის სიკვდილზე გამარჯვების სჯერა, ჩვენთან ერთად უნდა იბრძოლოს.

ისინი უნდა დაგვეხმარონ, რადგან ამ გზაზე პირველები ვართ და ვინ არის შემდეგი? თუ ვინმეს, ვინც შეიძლება შემდეგი გახდეს, სურს ნეიტრალური დარჩეს დღეს, რათა არაფერი დაკარგოს, ეს ყველაზე სარისკო ფსონია, იმიტომ, რომ ყველაფერს დაკარგავენ",- განაცხადა ზელენსკიმ.

ასევე დაგაინტერესებთ:

📍1 დაღუპული და 27 დაკარგული - რუსეთის თავდაცვის უწყება კრეისერ "მასკვას" ეკიპაჟზე ინფორმაციას პირველად ავრცელებს

📍ავღანეთის ქალაქ ყუნდუზში, ლოცვის დროს, სუნიტთა მეჩეთში აფეთქება მოხდა, რასაც 33 ადამიანის სიცოცხლე შეეწირა