„მადლობა, რომ 2008-ში კაციჭამიას უფლება არ მიეცით, შეეჭამა აფხაზეთი-ოსეთი“ - რუსი პროპაგანდისტი მარგარიტა სიმონიანი პუტინმა ღირსების ორდენით დააჯილდოვა 

„მადლობა, რომ 2008-ში კაციჭამიას უფლება არ მიეცით, შეეჭამა აფხაზეთი-ოსეთი“ - უთხრა რუსმა პროპაგანდისტმა მარგარიტა სიმონიანმა რუსეთის პრეზიდენტ, ვლადიმერ პუტინს, რომელმაც სიმონიანი ღირსების ორდენით დააჯილდოვა.

„ვლადიმირ ვლადიმიროვიჩ, თქვენი მმართველობის ქვეშ მრავალწლიანი მუშაობის განმავლობაში, ახლა ალბათ ყველაზე შესაფერისი მომენტია იმის თქმის, რაც ყოველთვის მინდოდა.  მადლობა კაციჭამიების ჩაძაღლებისთვის. 20 წელზე მეტი ხნის წინ დაგვპირდით, გახსოვთ ალბათ თქვენი დაუვიწყარი ფრაზა "ჩაძაღლება". 20 წლის წინ არ მიეცით უფლება, თქვენგან გამოეგლიჯათ ჩვენი კავკასია...

მადლობა, რომ 2008-ში ჭკუასუსტ კაციჭამიას არ მიეცით უფლება შეეჭამა აფხაზეთი და სამხრეთ ოსეთი. მადლობა, რომ რამდენიმე წლის წინ შეწყვიტეთ ხოცვა-ჟლეტა ყარაბაღში. იმის ყურებით, რა ხდება დონეცკში, არ შეიძლება არ ნერვიულობდე და განიცდიდე. მადლობა, რომ ტკივილით, სისხლით, მაგრამ ამ კანიბალების სისხლიანი პირიდან გლეჯთ ჩვენს ხალხს, რომ ამაზე წახვედით. ჩვენ დაგეხმარებით ამაში, ჩავაძაღლებთ კაციჭამიებს, რამდენადაც თქვენ მოითხოვთ. ვემსახურები რუსეთს“, - თქვა პუტინის პროპაგანდისტმა, მარგარიტა სიმონიანმა. 

ასევე დაგაინტერესებთ:

🔵 ზელენსკიმ საქართველოს მიმართა სააკაშვილი გადაიყვანონ უკრაინის, ევროპის ან აშშ-ის კლინიკაში

🔵 "არც ეს გრიპი მიმაჩნია არაფრად. მე ახლაც სხვა რამ მაღელვებს ქიმიური, ბაქტეოროლოგიური ომი... და შენ წარმოიდგინე, სეზონური გრიპებიც" - კაკულიას მორიგი წინასწარმეტყველება