ჯანდაცვის მინისტრი: პირველადი ინფორმაციით, სანატორიუმ "ქართლში" მომხდარი არის უბედური შემთხვევა

"პირველადი ინფორმაციით, ეს არის უბედური შემთხვევა", - ასე გამოეხმაურა საქართველოს ჯანდაცვის მინისტრი, ზურაბ აზარაშვილი სანატორიუმ „ქართლში“ მცხოვრები ერთ-ერთი დევნილი მამაკაცის გარდაცვალებასთან დაკავშირებით მომხდარ შემთხვევას.

"პირველ რიგში, მივუსამძიმრებ გარდაცვლილის ოჯახს.

ეს არის უბედური შემთხვევა, რაც სამწუხაროდ, მოხდა და ვიზიარებ ოჯახის მწუხარებას.

გარდაცვალებასთან დაკავშირებით მიმდინარეობს გამოძიება და პირველადი ინფორმაციით, ეს არის უბედური შემთხვევა და ჩემი თხოვნა იქნება, გამოძიების შედეგებს დაველოდოთ და ნუ დავაკავშირებთ ამას დევნილების პრობლემასთან.

რაც შეეხება დევნილებთან დაკავშირებულ პრობლემებს, ამასთან დაკავშირებით, მინისტრობის პირველივე დღიდანვე სამინისტროში კონსულტაციები იმართება.

გვაქვს კონკრეტული ხედვა და გეგმა, როგორ უნდა უზრუნველვყოთ ბინით 13 ათასი დევნილი ოჯახი, დასახული გვაქვს პრიორიტეტები და ზუსტად ვიცით, რა გეგმებს უნდა მივყვეთ.

იმ შეხვედრაზე შეთანხმდნენ, რომ დევნილებს პერიოდულად ეცნობებათ ამ პროცესის მიმდინარეობის სტატუსი, რასაც ჩვენ გამჭვირვალედ მივყვებით.

იმ დათქმულ ვადებში ჩვენ ამ პირობებს შევასრულებთ", – განაცხადა ზურაბ აზარაშვილმა.

გუშინ 16 იანვარს ზღვის უბანში, სანატორიუმ „ქართლში“ მცხოვრები ერთ-ერთი დევნილი ზურაბ ჭიჭოშვილი შენობის სახურავიდან გადმოხტა და ადგილზე გარდაიცვალა. როგორც სანატორიუმ „ქართლთან“ შეკრებილებმა განაცხადეს, მამაკაცი ასევე საქართველოს მთავრობისგან ყურადღებას და დევნილთათვის საცხოვრებელ სახლებს ითხოვდა.

სხვა სიახლეები:

🔳 52 წლის დევნილმა მამაკაცმა პროტესტის ნიშნად თავი მოიკლა

🔳 „დავორგანიზდეთ, სამოქალაქო სექტორმა, სტუდენტებმა, საჯარო პირებმა, დავთქვათ დრო და დავდგეთ ამ დაღუპული კაცის ხსნოვნისთვის მაინც!“ - ირაკლი კუპრაძე

🔳 "რეგულაციების გამკაცრების საჭიროებას ვერ ვხედავთ"- ჯანდაცვის მინისტრი

🔳 საქართველოში ბოლო 24 საათში კორონავირუსით 32 პაციენტი გარდაიცვალა

🔳 "მტკვარს, რომ ფილტრები დაუყენონ, ერთი საახალწლო მორთულობის და განათების ფასი დაჯდება" - ნათია ფანჯიკიძე