"შევედი მეილზე და „ფეისბუკზე“ გადავედი. ვხედავ დღეში 50 კაცთან უხამს მიწერ-მოწერას" - ყოფილი მეუღლის განზრახ მკვლელობის მცდელობაში ბრალდებულ ლევან ასლანიშვილს აღკვეთის ღონისძიების სახით პატიმრობა შეეფარდა

თბილისის საქალაქო სასამართლომ ყოფილი მეუღლის, თამარ ჭეიშვილის განზრახ მკვლელობის მცდელობაში ბრალდებულ ლევან ასლანიშვილს აღკვეთის ღონისძიების სახით პატიმრობა შეუფარდა.

პროკურორის განცხადებით, არსებობს მიმალვის, დანაშაულის ხელახლა ჩადენისა და მოწმეებზე ზემოქმედების საფრთხეები.

ამასთან, დაცვის მხარე არ დაეთანხმა ბრალდების მხარეს და აღკვეთის სახით 15 ათას ლარიანი გირაოს შეფარდება მოითხოვა.

"ეს შემთხვევა, რაც მე ჩავიდინე, ვაღიარებ.

უმიზეზოდ არ მომხდარა.

მაგ ქალბატონს წლების წინ გავუხსენი მეილი, რაღაც ეჭვის საფუძველი მომეცა.

თამარ ჭეიშვილი დარეგისტრირდა „ფეისბუქზე“, შევედი მეილზე და „ფეისბუქზე“ გადავედი. ვხედავ დღეში 50 კაცთან უხამს მიწერ-მოწერას", – განაცხადა ასლანიშვილმა.

ცნობისთვის, 23 მაისს, ლევან ასლანიშვილმა გენდერის ნიშნით შეუწყნარებლობის მოტივით, განსაკუთრებული სისასტიკით, არასრულწლოვანი შვილის თანდასწრებით, ყოფილ მეუღლეს დანით მრავლობითი დაზიანებები მიაყენა.

პროკურატურამ ბრალდება განზრახ მკვლელობის მცდელობა, ჩადენილი გენდერის ნიშნით, ოჯახის წევრის მიმართ განსაკუთრებული სისასტიკით წარედგინა, რაც სასჯელის სახედ და ზომად 16-დან 20 წლამდე ან უვადო თავისუფლების აღკვეთას ითვალისწინებს.

წყარო: 1tv

ასევე დაგაინტერესებთ:

* ღარიბაშვილი: საქართველომ ევროპულ ოჯახთან მიერთებისთვის კონკრეტული ნაბიჯები გადადგა, ახლა დროა ევროკავშირმა მიიღოს ისტორიული გადაწყვეტილებები ქართველი ხალხისთვის

* RSF ნიკა გვარამიას დაკავებას ეხმაურება და ითხოვს განაჩენის გადახედვას, რომელიც მათი განცხადებით, მიზნად ისახავს კრიტიკული ჟურნალისტების დაშინებას