გაიცანით სოფია ღურწკაია - ოქროს მედლის მფლობელი და წარმატებული სპორტსმენი იტალიაში

სოფია ღურწკაია - სპორტის ერთ-ერთ სახეობაში ოქროს მედალოსანი, რომელმაც წარმატებას იტალიაში მიაღწია. 

მედამაუწყებელ exclusivetev.ge-ს მიზანია, აღმოაჩინოს და საზოგადოებას გააცნოს, საქართველოს საზღვრებს მიღმა მცხოვრები ქართველი ემიგრანტები. დღეს სოფია ღურწკაიას შესახებ მოგითხრობთ, რომლის შესახებაც  რეჯო კალაბრიაში მცხოვრებმა ემიგრანტმა, ანა ბურდულმა მოგვითხრო. 

სოფია ღურწკაია - ერთი, „რიგითი“ ემიგრანტი, ქართველი აფხაზეთიდან. 8 წელია, რაც იტალიაში ცხოვრობს და მუშაობს. მისი საქმიანობის სფეროს, როგორც ემიგრანტების უმრავლესობისა, იტალიურ ოჯახში მოხუცის მომვლელად მუშაობა წარმოადგენს.

არც ისე მარტივად გასავლელია ემიგრაციის პირველი წლები უცხო მიწაზე. გარემოს შეგუება, ენა, საბუთები და ა. შ. ასე გადის წლები.. ამ ზღვარს გადალახავ და უბრალოდ გინდა, რომ გაცდე ერთფეროვბებას. ეს ყველა ემიგრანტის ოცნებაა, თუმცა ძალიან რთულია იპოვო შენი ადგილი შენი მიზნების, სურვილების, გატაცებების რეალიზებისთვის, მაგრამ თუ მოინდომებ აუცილებლად მიაღწევ შედეგს. - ასე იწყებს თხრობას სოფია ღურწკაია.

- ერთ ქალაქში, ოჯახს 5 წელი ვემსახურე, სადაც შეუძლებელი იყო სხვა საქმით დაკავება, თუმცა მათი დახმარებით სხვა სამსახურში გადასვლისთანავე ჩავეწერე „აპნოას“ აკადემიაში (Apnea Academy). ეს არის წყალქვეშა სპორტი ანუ ერთი ჩასუნთქვით ეშვები წყლის ქვეშ და ხვდები სრულიად განსხვავებულ სამყაროში, სანამ ჟანგბადი არ გამოგელევა!

წყალქვეშა ვარჯიშები პრაქტიკულად დატვირთვით უტოლდება მორბენალის 15-20 კმ გარბენს. 3 წელი არც ისე დიდი დროა წყალქვეშა სპორტის სახეობაში, სასურველ შედეგს მიაღწიო მაშინ, როდესაც წელიწადზე მეტი კოვიდი გაფერხებს და სახლში ხარ გამოკეტილი, თან აღარაფერს ვამბობ, ჩემს ჯოჯოხეთურ დღეებზე კოვიდინფიცირების გამო!!! დღეს მე და აპნოა მივიწევთ წინ წარმატებით.

2022 წლის მარტში, იტალიის ნაციონალური შეჯიბრში სტატიკურ აპნოაში გავხდი გამარჯვებული - პირველი ადგილი და ოქროს მედალი ავიღე. ეს ერთი და სხვა მრავალი! მინდა ყველას გისურვოთ წარმატებები. არასოდეს თქვათ არასოდეს! შეუძლებელი არაფერია. გაძლიერდით და გაიხარეთ! - გვიყვება სოფო.

მედიამაუწყებელი exclusivetev.ge ულოცავს წარმატებულ ქართველ სპორტსმენს ამ გამარჯვებას და ოქროს მედალოსანის ტიტულს. სააგენტო, თვალს მიადევნებს სოფოს მორიგ გამარჯვებებს და სიამოვნებით გააშუქებს, ქართველი ემიგრანტის წარმატების ისტორიას.

აგრეთვე დაგაინტერესებთ:

📌 ExclusiveTV-ის იტალიის ბიუროს ყოველკვირეული საინფორმაციო გამოშვება "იტალიის დრო" - 16.04.2022

📌 „ეს არის ჩემი შვილი, დღეს წარმატებული ბიზნესლედი, 4 წლისა წავართვით ბებიას და ბაბუას და წავიყვანეთ...“ - თემურ კილაძე

📌 ქართველი მეცო სოპრანოს, ორმაგი დებიუტი ქალაქ ბარიში