იტალიური პრესა ადასტურებს, რომ სალომე ტეტუნაშვილის იდენტიფიცირება სოციალურ ქსელში გავრცელებული ინფორმაციის საშუალებით მოხდა

გუშინ, 26 იანვარს ნეაპოლში რამდენიმე დღის წინ გაუჩინარებული 27 წლის სალომე ტეტუნაშვილი იპოვეს. გაჩნდა უამრავი ვერსია, თუ როგორ და რატომ დაიკარგა ქართველი გოგონა და გავრცელდა ასევე სხვადასხვაგვარი აზრი, თუ როგორ მოხდა მისი პოვნა.

საზოგადოების მაღალი ინტერესიდან გამომდინარე, გთავაზობთ დადასტურებულ ინფორმაციას თუ როგორ მოხდა ტეტუნაშვილის პოვნა.

საინტერესოა, რას წერს იტალიური პრესა ამის შესახებ! 

„ნეაპოლი, 27 წლის სალომე ტეტუნაშვილის ისტორიის კარგი დასასრული: სამი დღის წინ დაკარგული გოგონა იპოვეს" - ამ სათაურით აქვეყნებს იტალიური პრესა ქართველი გოგონას შესახებ სტატიას. 

„სამი რთული დღე, რომელთა განმავლობაშიც, 22 იანვარს ნეაპოლიდან გაუჩინარებულ 27 წლის, წარმოშობით ქართველ გოგონას ეძებდნენ. ის კაზორიაში მოხუცის მომვლელად მუშაობდა. გოგონა სახლიდან გავიდა და უკვალოდ გაუჩინარდა, ოჯახმა მალევე განგაში ატეხა. გაკეთდა განცხადება პოლიციაში და გავრცელდა ინფორმაცია სოციალურ ქსელში. საბედნიეროდ ყველაფერი კარგად დასრულდა და გოგონა ცოცხალი და ჯანმრთელი იპოვეს.

პოვნის შესახებ, პირველი ინფორმაცია, სატელევიზიო გადაცემა Chi l'ha visto-ს მიერ გავრცელდა, რომელიც დაკარგული ადამიანებს ეძებს. "დაკარგულ სალომეს დახმარება ნეაპოლის მუნიციპალურმა პოლიციამ გაუწია, რომელმაც გოგონას იდენტიფიცირება, სოციალურ ქსელში იტალიურ ენაზე გავრცელებული ინფორმაციის საშუალებით მოახდინა," - ჰყვება აღნიშნული გადაცემის ჟურნალისტი (იხილეთ აქ)."

ასევე, ამ ინფორმაციას ავრცელებს იტალიური მედია (წყარო),

სტატიას ვურთავთ ExcusiveTV-ის ფლორენციაში მცხოვრები ჟურნალისტის, ნინა მამუკაძისა და ნეაპოლში მცხოვრები მედიატორ, მაკა ხაჩოშვილის მიერ იტალიურ ენაზე გავრცელებული ინფორმაციის "სქრინშოტებს", რომელსაც ათასობით გაზიარება მოჰყვა და არაერთმა იტალიურმა გამოცემამ  წყაროს სახით გამოიყენა და გაავრცელა.

ამავე თემაზე:

📌  ქართველი ემიგრანტი ჟურნალისტებისა და მედიატორის, მაკა ხაჩოშვილის აქტიურობით ნაპოვნი ემიგრანტი - რატომ ჩავიდა Chi l’ha visto ნეაპოლში

📌  ექსკლუზივი: სალომე ტეტუნაშვილი ცოცხალია - ხუთ დღიანი ძებნის შემდეგ დაკარგული ემიგრანტი იპოვეს

📌 „ამ დაკარგულ გოგოზე რომელიც ასე განვიცადეთ, ათას სისულელეს ამბობენ რატომ? იმიტომ რომ ცოცხალია“ - ემიგრანტის შოკის მომგვრელი წერილი

📌 საქართველოს ელჩმა და კონსულმა ნეაპოლში სალომე ტეტუნაშვილი მოინახულეს