3, 400 იტალიელი ჯარისკაცი მზადაა - ყველაზე ბნელი დღეები ევროპის ისტორიაში. რა სანქციებს დაუწესებს იტალია რუსეთს

იტალიის პრემიერმა, მარიო დრაგიმ საზოგადოებას პარლამენტიდან აცნობა იმ ზომების შესახებ, რომლებსაც ევროპა მიიღებს რუსეთის წინააღმდეგ უკრაინაში შეჭრისთვის. ამის შესახებ ინფორმაციას ადგილობრივი მედია ავრცელებს.

დღეს, მარიო დრაგიმ, პარლამენტში უკრაინის კრიზისის შესახებ ისაუბრა და კიდევ ერთხელ დააფიქსირა იტალიის მტკიცე მხარდაჭერა უკრაინის მიმართ. პრემიერმა დაგმო რუსეთის აგრესია და პრეზიდენტ ზელენსკის  სრული სოლიდარობა გამოუცხადა.

„ევროპაში ომის დაბრუნება შეუძლებელია. იტალია აბსოლუტური სიმტკიცით გმობს რუსეთის უკრაინაში შეჭრას“, - განაცხადა იტალიის პრემიერმა. მან ასევე ისაუბრა, დილით პრეზიდენტ ზელენსკისთან სატელეფონო საუბარზე.

ევროპასა და ნატოს პასუხი კომპაქტურია. ალიანსი სამხედრო თვალსაზრისით უკვე გააქტიურდა, განმარტა პრემიერმა. “გუშინ ჩრდილოატლანტიკური საბჭო შეიკრიბა ვაშინგტონის ხელშეკრულების მე-4 მუხლის დებულებების საფუძველზე და დაამტკიცა ეტაპობრივი რეაგირების ხუთი გეგმა, რომელიც ამ პირველ ეტაპზე მიზნად ისახავს აღმოსავლეთში შემაკავებელი პოზის კონსოლიდაციას“.

იტალია მზადაა უკრაინას არმიის, საზღვაო ძალების და საჰაერო ძალების დაახლოებით 1400 კაცი და დამატებით 2000 ჯარისკაცი მიაშველოს.

ამავდროულად, გაერთიანებულმა ევროპამ რუსეთის წინააღმდეგ ეკონომიკური სანქციები გაატარა, „ ძალიან მკაცრი და მკვეთრი ზომები, რომლებიც მზადდებოდა რამდენიმე კვირის განმავლობაში “. საკანონმდებლო აქტები ამჟამად ბრიუსელში განიხილება, ამიტომ პრეზიდენტმა დრაგიმ ვერ შეძლო დეტალური ინფორმაციის მიწოდება. ამ საკითხებზე პრემიერი ვრცელ განცხადებას სამშაბათს გააკეთებს. მოსალოდნელია, რომ სანქციები დაწესდება ფინანსურ და ენერგეტიკის, ასევე ტექნოლოგიურ სექტორზე.

სხვა სიახლეები:

🔵 ეს იყო პირველი შემთხვევა, როდესაც პაპმა პროტოკოლს გადაუხვია და კონფლიქტის დროს საელჩოში თავად მივიდა

🔵 “წმინდანის ქანდაკება, ყვავილების თაიგულით შევამკე, სადაც ამ წუთებში რუსი, ქართველი, უკრაინელი და ბელორუსი ხალხი მშვიდობისთვის ერთად ლოცულობენ“ - ქალაქ ბარის მერი

🔵 იტალია: “ქართულ დროშას სადაც ნახავთ იქ მოგროვდით გთხოვთ“