„არ გაატაროთ ეს სტატუსი გთხოვთ! იტალიელი დამსაქმებელი, ინფიცირებულ ქართველ ემიგრანტს ქუჩაში აგდებდა!“ - ფიქრია კუჭუხიძე

იტალიის პროფკავშირების, საემიგრაციო საზოგადოება „ანოლფ“-ის (Anolf) ქართველი ოპერატორი, ფიქრია კუჭუხიძე, პოსტს აქვეყნებს, რომელსაც უცვლელად გთავაზობთ.

„არ გაატაროთ ეს სტატუსი გთხოვთ! ახალჩამოსული ქალბატონების საყურადღებოდ! როდესაც ქვეყნის ტერიტორიაზე რჩებით არალეგალები, იტალიაში შეგიძლიათ მიხვიდეთ „აზლში“ და მოითხოვოთ STP (ჯანმრთელობის დაზღვევის დროებითი ბარათი)! ავიყვანოთ პირადი ექიმი და მოგვენიჭება დროებითი კოდი! ამავდროულად გაქვთ საშუალება მოითხოვოთ პერმესო - „აზილო პოლიტიკო“ მოტივით per casi speciali ანუ ძველი ჰუმანიტარული და იყოთ დაცულები ამ ქვეყანაში, გაძევებისაგან, დამსაქმებლის მხრიდან არ შეგექმნებათ პრობლემა, ამ დროს ის უკვე ვალდებულია დაგიდოთ სამუშაო კონტრაქტი და როდესაც ქვეყანაში პანდემიის ძლიერი ტალღაა და დავირუსების მაღალი რისკი. არ შეგექმნებათ ასეთი დიდი პრობლემები რასაც ყოველდღიურად ვაწყდებით.

არსებობს ამისთვის გზამკვლევი, საემიგრაციო პატრონატოები, მოდით, მიდით და დაკვალიანდით.....რადგან მარტო დღეს ერთი ადამიანის პრობლემის მოგვარებას დიდი ძალისხმევა დასჭირდა. სრული ქაოსია, არ გვიღებს „აზლი“, არ აინტერესებთ, ხმა რომ ამოვიღო და მივმართო სამართალდამცავ სტრუქტურას, უსაბუთო ვართ და პრობლემა გვექმნება ამიტომ.

მოვიგვაროთ ხალხნო ეს პრობლემა და ყველანი ვიქნებით მშვიდად. მე აქ ვარ და კითხვა პასუხით ვერ ვიმუშავებ. მოდით და დაგაკვალიანებთ. სხვა რა ვთქვა ნამდვილად არ ვიცი.“ - წერს ფიქრია კუჭუხიძე.

ფიქრია კუჭუხიძე exclusivetv.ge-ს იტალიის ბიუროს დაუკავშირდა და ზემოთ ხსენებული წერილის მიზეზებზე ისაუბრა. 

გუშინ ერთ-ერთ ქართველ ემიგრანტ ქალბატონს, რომელიც ოჯახში მოხუცის მომვლელად მუშაობს, იტალიელი დამსაქმებელი სახლიდან წასვლას იმ მიზეზით აიძულებდა, რომ მას კოვიდ19 დაუდასტურდა.

შემთხვევა, გუშინ, ღამის საათებში მოხდა. რომ არა წინააღმდეგობის გაწევა, მომვლელს ღია ცის ქვეშ  ყოფნა ემუქრებოდა. მომვლელმა შეძლო ერთი ღამით დარჩენის უფლების მოპოვება, თუმცა მოხუცის შვილმა დილით ისევ აიძულა დაეტოვებინა სახლი. 

„ანოლფ“-ის ქართველი ოპერატორის და ინფიცირებული ემიგრანტის მეგობრის აქტიური ჩარევის შედეგად, ოჯახი იძულებული გახდა პასუხისმგებლობა აეღო იმ მომვლელის წინაშე, რომელიც მათთან ოჯახში მუშაობდა და რომ არა, მთელი რიგი გატარებული ღონისძიებებისა, სახლიდან აგდებდა. 

ქვეყანაში, სადაც ინფიცირების შემთხვევები მატულობს და პანდემიის მართვის მიზნით, მთავრობა ახალ რეგულაციებს აქვეყნებს, რიგითი ემიგრანტები ყველაზე მეტად დაუცველი და უძლურნი აღმოჩნდნენ. 

როცა თქვენი უფლებები ირღვევა, დარეკეთ იტალიის შრომით გაერთიანების პროფკავშირი აპულიის რეგიონში ტელ: +39 080 5246355  ელფოსტა: ust_bari@cisl.it

იტალიის შრომის გენერალური პროფკავშირი: ტელ: 080 5736111 · ელფოსტა:regionale@puglia.cgil.it

იტალიის მშრომელთა კავშირი:  ტელ: 080.5018968 – 080.5648982 – 080.5648991 · ელფოსტა: info@uilpuglia.it

ასევე შეგახსენებთ:

ქ. ბარიში საქართველოს გენერალურ საკონსულოს შეგიძლიათ დაუკავშირდეთ სამუშაო დღეებში 15:00 საათიდან 17:00 ჩათვლით სატელეფო კონსულტაციისათვის შემდეგ ნომრებზე:

+39 0809189650 ან +39 0809189651

მხოლოდ გადაუდებელი შემთხვევებისას, შემდეგ ნომრებზე:

+393662024636 ან +393386164952  

გადაუდებელი შემთხვევები მოიცავს საქართველოს მოქალაქეების უსაფრთხოებასა და კეთილდღეობასთან დაკავშირებულ შემთხვევებს როგორიცაა:  დაპატიმრება, გარდაცვალება, სიცოცხლისთვის საშიში გადაუდებელი სამედიცინო შემთხვევები, (დარეკეთ 112 (24/7) ჯერ იტალიის ხელისუფლებისგან სასწრაფო სამედიცინო დახმარების მისაღებად) ასევე ძალადობრივი დანაშაულის მსხვერპლი.

რომელი შემდეგი სიტუაციები არ არის გადაუდებელი:

• დაკარგული ან მოპარული პასპორტები

• ფინანსური საკითხები

• საკონსულოში ვიზიტის ჩანიშვნის ინსტრუქციები და სხვა საკონსულო მოქმედებები.

ხათუნა შარაძე. იტალია. 

აგრეთვე დაგაინტერესებთ:

📌 ფიქრია კუჩუხიძე: „ჩემი ხმაურის მიღმა, სამარისებური სიჩუმეა და ამ სიჩუმის ფასი მხოლოდ მე ვიცი“

📌 ქართველმა ბანმა იტალიაში კლასიკური მუსიკის კონკურსში გაიმარჯვა

📌 როგორი ამინდი იქნება 11 იანვარს იტალიაში

📌 მაღაზიაში, ქურდობის ფაქტზე ქართველი ქალი დააკავეს