არალეგალურად დასაქმებული ჭურჭლის მრეცხავი, სექსუალური ძალადობის მსხვერპლი გახდა

არალეგალურად დასაქმებული ჭურჭლის მრეცხავი, სექსუალური ძალადობის მსხვერპლი გახდა. შემთხვევა იტალიაში, ბერგამოს პროვინციაში მოხდა. 

სექსუალური ძალადობით, მიყენებული ფიზიკური დაზიანების გამო, ქალი საავადმყოფოში გადაიყვანეს. მსხვერპლი, მრავალშვილიანი დედაა, რომელიც ოჯახური პირობების გამო, იძულებული იყო არალეგალურად და მცირე გასამრჯელოს სანაცვლოდ ემუშავა. 

იტალიურ მედიაში გავრცელებული ინფორმაციის თანახმად დამსაქმებელი, მას არალეგალურად, კონტრაქტის გარეშე ამუშავებდა და დღის მანძილზე 20 ევროს უხდიდა. მას შემდეგ, რაც ქალმა მოძალადეს უჩივლა, დამსაქმებელმა შანტაჟის ხერხს მიმართა. ჯერ დაემუქრა, ხოლო, როცა მუქარამ არ გაჭრა, ხელფასის გაზრდას შეჰპირდა.

ქალის ჩვენებიდან, ირკვევა რომ მამაკაცმა, სიჩუმის სანაცვლოდ, მას დღეში, ხელფასის სახით, 50 ევროს გადახდა შესთავაზა.

უზენაესმა სასამართლომ 47 წლის მამაკაცს, 6 წლით და 6 თვით თავისუფლების აღკვეთა მიუსაჯა. მას, ასევე ფიზიკური და მორალური ზარალის ანაზღაურების მიზნით, 45 ათასი ევროს ჯარიმა დაეკისრა. 

ბრალდებულის დაცვის მხარე, ცდილობდა შემამსუბუქებელი გარემოებებით აპელირებას, თუმცა მოსამართლის მხრიდან, მხოლოდ ზოგადი შემამსუბუქებელი გარემოებები იქნა გათვალისწინებული. 

აგრეთვე დაგაინტერესებთ:

📌 იტალიაში გამოააშკარავეს პაპა, რომელიც 10 წლის შვილიშვილზე, წლების განმავლობაში ძალადობდა

📌 შესაძლოა იტალიაში, ნიღბის ტარების ვალდებულება, 1-ლი მაისის შემდეგაც დარჩეს ძალაში?

📌 იტალია - “ISEE, მისი დამზადება აუცილებელი და მნიშვნელოვანია, რომ მივიღოთ დახმარებები” - ფიქრია კუჭუხიძე