იტალია: დამატებით 110 მილიონი ევრო, უკრაინელი ლტოლვილების მისაღებად

იტალიის მინისტრთა საბჭო უკრაინელი ლტოლვილების მისაღებად, დამატებით 110 მილიონ ევროს გამოყოფს. კანონი ,,ენერგეტიკისა და ინვესტიციების" შესახებ, 2 მაისის საბჭოს სხდომაზე მიიღეს, რაც 2022 წლისთვის უკვე გამოყოფილი ფინანსური რესურსების გაზრდას ითვალისწინებს უკრაინელი ლტოლვილების მისაღებად.

ახალი დადგენილების მიხედვით, მთავრობის მიერ შემუშავებული ლტოლვილთა მიმღები ცენტრების გაძლიერება მოხდება, რომ იტალიამ შეძლოს ომის შედეგად განსაკუთრებული საჭიროების მქონე უკრაინელი ლტოლვილების მიღება.

კერძოდ, საუბარია 13 000 უკრაინელ ლტოლვილზე. ასევე 58 მილიონი ევროა გამოყოფილი მუნიციპალიტეტებისთვის, რომლებიც უზრუნველყოფენ ომის პერიოდში ობლად დარჩენილი, უკრაინელი, არასრულწლოვანი ბავშვების მიღებას. ყველა იმ საჭირო სოციალური სერვისების უზრუნველყოფას, რაც აუცილებელია არასრულწლოვანი, ობლადმყოფი ბავშვების უსაფრთხო, უზრუნველყოფილი გარემოსთვის.

იტალიის შინაგან საქმეთა სამინისტროში, განმარტავენ, რომ დაფინანსება გულისხმობს, უკრაინელი ობლად დარჩენილი, არასრულწლოვანი ბავშვებისთვის აკრედიტებულ, ავტორიზებულ სტრუქტურებში მათ დაბინავებას ან მინდობით აღზრდაში გადაცემას ოჯახისთვის. ჩართული სტრუქტურები კი სახელმწიფოსგან დაფინანსებას მიიღებენ.

ჯერჯერობით უცნობია, უკრაინის რამდენი მოქალაქე დაიღუპა ომის პერიოდში და რამდენი ბავშვი დარჩა ობლად. ომის შედეგად დაობლებული ბავშვების ბაზის შექმნა საბრძოლო მოქმედებების დასრულების შემდეგ მოხერხდება.

ნონა გედენიძე სპეციალურად ExclusiveTV-თვის რეჯო-ემილიადან

აგრეთვე დაგაინტერესებთ:

📌 "იტალიის დრო" - 07/05/2022 - ExclusiveTV-ის იტალიის ბიუროს ყოველკვირეული საინფორმაციო გამოშვება

📌 იტალია - როგორ მივიღოთ გრძელვადიანი ბინადრობის ნებართვა

📌 იტალია - დაბალი შემოსავლის მქონე პირებს, სამგზავრო ბარათებზე, 60 ევროიანი ფასდაკლება ექნებათ