იტალიაში, 1-ლი მაისიდან „Green Pass-ი“ უქმდება

იტალიის პრემიერ მინისტრის, მარიო დრაგის მიერ გამოცემული ახალი დადგენილების თანახმად, 1-ლი მაისიდან რესპუბლიკაში, „Green Pass“-ის ვალდებულება უქმდება. ამის შესახებ ინფორმაციას ადგილობრივი მედია ავრცელებს. 

ახალი დადგენილების თანახმად, რეგულაციები ეტაპობრივად შემსუბუქდება 1-ლი აპრილიდან 1-ელ მაისამდე.

„Green Pass“-ის ვალდებულება ძალაში რჩება, მხოლოდ სამედიცინო პერსონალისთვის. ასევე ძალაში რჩება აცრის ვალდებულება. 

პანდემიის გამო ქვეყანაში არსებული საგანგებო მდგომარეობა 31 მარტს გაუქმდება. ყველა საგანგებო სტრუქტურას, როგორიცაა CTS და Covid-ის საგანგებო სიტუაციების კომისარიატი, 1-ლი აპრილიდან ჯანდაცვის სამინისტროში გარდამავალ რეჟიმში მოქმედი ოპერატიული განყოფილება ჩაანაცვლებს, რომელიც ვაქცინაციის კამპანიას გააკონტოლებს.

სუპერ „Green Pass“-ის ვალდებულება 30 აპრილამდე ძალაში რჩება დახურულ სივრცეში - კვების ობიექტებზე, გამაჯანსაღებელ ცენტრებში, საცურაო აუზებზე, დისკოთეკებზე, კონგრესებზე, კულტურულ და სოციალურ ცენტრებში, საჯარო და სპორტულ ღონისძიებებზე. 

„Green Pass di base“-ს წარდგენის ვალდებულება ძალაში რჩება 30 აპრილამდე სასადილოებში, საჯარო კონკურსებში, ციხეში, ტაქსიში და საქალაქთაშორისო ტრანსპორტში. 
აპრილის დასაწყისიდან იტალიის თეთრ, ყვითელ, ნარინჯისფერ და წითელ ზონებად  დაყოფა დასრულდება.

აგრეთვე დაგაინტერესებთ:

📌 იტალიაში უკრაინელი ლტოლვილებისთვის ტრანსპორტი უფასო იქნება

📌 იტალიაში სწავლის გაგრძელების მსურველთა საყურადღებოდ!

📌 გადაცემა "ნინას ესპრესოს" სტუმარი - ემიგრანტი ჟურნალისტი მაია ხომერიკი

📌 რუსეთსა და უკრაინას შორის არსებული ომი იტალიელებს აშინებს - სად არის ბუნკერები იტალიაში