იტალიაში მყოფი ემიგრანტების საყურადღებოდ! ყველაფერი ბონუსების შესახებ!

იტალიაში, მილანში მცხოვრები ქართველი ემიგრანტი, ზაქარია მამაგულაშვილი, სოციალურ ქსელში იმ სოციალური დახმარებების შესახებ, რომელსაც იტალია ყოველწლიურად მოსახლეობაზე გასცემს, ინფორმაციას აქვეყნებს.

საემიგრაციო მედიაპლატფრომა Exclusivetv.ge-ს მკითხველს მამაგუალიშვილის მიერ გავრცელებულ ინფორმაციას უცვლელად გთავაზობთ:

- იტალიაში მყოფი ემიგრანტების საყურადღებოდ!

ქვემოთ მოცემულია 2024 წელს იტალიაში გასაცემი ბონუსების (სოციალური დახმარება) სახელმძღვანელო, მიმდინარე წლის 1 მარტის მდგომარეობით!

აღნიშნული ბონუსები ეხება თითქმის ყველა კატეგორიას: პენსიონერებს, დასაქმებულებს, უმუშევრებს, სტუდენტებს, ოჯახებს არასრულწლოვანი წევრებით და ა.შ.
ბონუსებია ბინის ქირაზე, კომუნალურებზე, საბავშვო ბაღის გადასახადზე, სწავლის დაფინანსებაზე, მოკლედ უამრავ რაღაცაზე.

ამ სახელმძღვანელოში მოცემულია ყველაფერი, თუ ვის ეხება და რა პირობებს უნდა აკმაყოფილებდეს. პირველი და აუცილებელი არის ე.წ. ISEE (ინფორმაცია ოჯახის ეკონომიკური მდგომარეობის შესახებ) უნდა იყოს დაბალი, ყველა ბონუსისთვის სხვადასხვა მოთხოვნაა.

ვინც იტალიურ ენას ნორმალურად ფლობთ, გაქვთ ე.წ. SPID-ი (ციფრული პირადობა) და კომპიუტერთანაც მწყრალად არ ხართ, თქვენ თვითონ შეგიძლიათ გააკეთოთ ნებისმიერი მოთხოვნა. დანარჩენ შემთხვევაში მიმართეთ სანდო CAF-ს. სანდოს იმიტომ ვწერ, რომ ზოგიერთი მაგრად „მაიმუნობს“, ელემენტარულ მომსახურებაში იმხელა გადასახადს ითხოვს, რომ საერთოდ აღარ ღირს არანაირი ბონუსის მოთხოვნა, წინასწარ შეგიძლიათ იკითხოთ თუ რა ღირს გარკვეული სახის მომსახურება, მიღებული პრაქტიკაა და მოსარიდებელი არაფერია.

სამწუხარიდ ხშირია შემთხვევები რომ ერთმანეთს უმალავენ ინფორმაციას, ვინც უკვე გააკეთეთ რაიმე სახის ბონუსზე განაცხადი, შეგიძლიათ თქვენს ახლობელს თუ უბრალოდ ნაცნობსაც გაანდოთ ამის შესახებ, მანაც ისარგებლოს, თქვენ არაფერი დაგიშავდებათ და არც გვარიშვილობა შეგელახებათ  

და ბოლოს, ვინც ერკვევით მსგავს საკითხებში, სურვილი გაქვთ და შეგიძლიათ კონკრეტულ ბონუსზე დეტალური ინფორმაცია მიაწოდოთ დაინტერესებულ პირებს, შემიძლია აღნიშნული სახელმძღვანელო პირადში გამოგიგზავნოთ, საკმაოდ მოცულობითია, 60 გვერდია, PDF ფორმატი.

📍რაც გეკუთვნით მიიღეთ, ნუ გაუშვებთ შანსს ხელიდან!
📍რაც მეტი გაიგებს, მით უკეთესი!

P.S. ყველა რეგიონს აქვს ასე ვთქვათ საკუთარი, დამატებითი სხვადასხვა ბონუსი. გაითვალისწინეთ, შეიძლება რეგიონების მიხედვით ერთნაირი არ იყოს.

ყურადღბა მიაქციეთ სტატიის ბოლოს წითელ წარწერს Guida Ai Bonus 2024. წითელ წარწერაზე თითის დაჭერეს შემთხვევაში ცამოიტვირთება სრული ფაილი სადაც დეტალურად არის მოცემული რა ტიპის ბონუსებია.

GUIDA AI BONUS 2024