მატარელას გამოსვლის დასასრულს აპლოდისმენტები ოთხი წუთი გაგრძელდა - პრეზიდენტმა ფიცი დადო

იტალიის რესპუბლიკის პრეზიდენტის, სერჯო მატარელას გამოსვლის დასასრულს აპლოდისმენტები, დაახლოებით ოთხი წუთი გაგრძელდა. საერთო ჯამში ფიცის დადების ცერემონია 38 წუთი გაგრძელდა და 52-ჯერ შეწყდა ამომრჩევლების ოვაციების გამო.

პრეზიდენტმა გამოსვლისას დამსწრე საზოგადოებას სიტყვით მიმართა:

„რესპუბლიკის დეპუტატთა პალატისა და სენატის პრეზიდენტებმა, პარლამენტის წევრებმა და რეგიონულმა დელეგატებმა, პარლამენტმა და რეგიონების წარმომადგენლებმა გააკეთეს არჩევანი. გმადლობთ ნდობისთვის, რომელიც გამომიცხადეთ მეორედ ვადით“.

"ვირუსის წინააღმდეგ ბრძოლა არ დასრულებულა, ვაქცინაციის კამპანიამ მნიშვნელოვნად შეამცირა რისკები, მაგრამ ჩვენ არ გვაქვს მოდუნების უფლება. აშკარაა, რომ რესპუბლიკაში ყველა აქტივობის განახლება დაკავშირებულია ვაქცინაციის გაგრძელებასთან, რომელიც გვეხმარება დავიცვათ საკუთარი თავი და სხვები."

„ახალი სირთულეები ჩნდება. ოჯახებს და ბიზნესს მოუწევთ ენერგეტიკის გაძვირებასთან გამკლავება. შემაშფოთებელია მწარმოებელი სექტორისთვის ფუნდამენტური მნიშვნელობის ზოგიერთი საქონლის დეფიციტი და გაძვირება.

„ჩვენ ვცხოვრობთ არაჩვეულებრივ ფაზაში, რომელშიც პოლიტიკური დღის წესრიგი დიდწილად განსაზღვრულია ევროპულ დონეზე საერთო სტრატეგიით. იტალია ევროპის აღდგენის მცდელობების ცენტრშია. ჩვენ ვართ შემდეგი თაობის პროგრამის მთავარი ბენეფიციარები და ეკონომიკა უნდა გავააქტიუროთ. მდგრადობისა და ინოვაციების სახელით, ეკოლოგიური და ციფრული გადასვლის კონტექსტში. ამიტომ სტაბილურობა, რომელიც საჭიროა, შედგება დინამიზმისგან, შრომისა და საერთო ძალისხმევისგან“.

სხვა სიახლეები:

📌 იტალია მოსახლეობის მეოთხე დოზით აცრას არ გამორიცხავს

📌 ფუფუნებისა და “ცხელი” საღამოების მოყვარულ მღვდელს მეტსახელად “დონ ევრო” 7 წელი და 6 თვე მიუსაჯეს - იტალია

📌 დედას, რომელმაც 12 წლის ქალიშვილი საკუთარ მაზლზე დანიშნა, დედობა ჩამოართვეს