მილანში ილია ჭავჭავაძის „მგაზვრის წერილები“-ს იტალიური თარგმანის პრეზენტაცია გაიმართა

29 მაისს მილანში მნიშვნელოვანი დღე იყო. საზოგადოების „con la Georgia nel cuore - სამშობლო გულით სატარებელი“-ს ორგანიზებით, ქართულ რესტორან „დედასპური”-ში, მანანა ტოფაძე-გოიმანის მიერ იტალიურ ენაზე ნათარგმნი ილია ჭავჭავაძის “მგზავრის წერილები”-ის წიგნის პრეზენტაცია გაიმართა.

საქართველოს მწერალთა სახლის მხარდაჭერით, იტალიურ ენაზე ითარგმნა და გამომცემლობის „IL Saggio Editore“-ს მიერ გამოიცა ილია ჭავჭავაძის ,,მგზავრის წერილები”. თარგმანის ავტორი, ლუგანოს უნივერსიტეტის პროფესორი მანანა ტოფაძე-გოიმანია.

ამიერიდან, ქართული ლიტერატურის კლასიკოსი მწერლის გაცნობას და მისი ნაწარმოების წაკითხვას იტალიელი მკითხველი  საკუთარ ენაზე შეძლებს, რაც ქართული ლიტერატურის პოპულარიზაციაში მნიშვნელოვან როლს შეასრულებს. ქართველი ერის მამად წოდებული ილია ჭავჭავაძე ნაწარმოებში, „მგზავრის წერილები“ აღწერს საკუთარ მოგზაურობას ვლადიკავკასიდან თბილისამდე, მას შემდეგ რაც ოთხი წელიწადი დაჰყო რუსეთში სასწავლებლად.

იტალიელმა სტუმრებმა, საქართველოს, ჩვენი ქვეყნის კულტურისა და წიგნის მოყვარულმა ადამიანებმა, საინტერესო და სასიამოვნო სივრცეში მოიყარა თავი.

საღამოს საქართველოს ახალგაზრდა ელჩი იტალიაში მარიამ ბოჭორიშვილი, არქიმანდრიტი მამა კირიონი მაჩაიძე, პავიის უნივერსიტეტის პროფესორი, მწერალი სოლომონ ნერგაძე და სხვა მოწვეული სტუმრები ესწრებოდნენ. 

ანუკა ღონღაძე სპეციალურად exclusivetv.ge-სთვის მილანიდან

აგრეთვე დაგაინტერესებთ:

📌 ქართველი ემიგრანტი, იტალიელმა დამსაქმებელმა ქურდობაში დაადანაშაულა და სამსახურიდან დაითხოვა

📌 “იტალიის დრო” 28/05/2022 - სპეციალური გამოშვება ExclusiveTV-ის იტალიის ბიუროს ყოველკვირეული საინფორმაციო გადაცემა