ნათელა აგლაძის დის შვილიშვილი გავრცელებულ ინფორმაციას უარყოფს და საზოგადოებას მოუწოდებს თავი შეიკავონ ცრუ ინფორმაციების გავრცელებისგან

იტალიაში მყოფი ქართველი ხანდაზმული ქალის ნათელა აგლაძის შესახებ გავრცელებული ინფორმაცია, მეორე დღეა საზოგადოების დიდ ინტერესს იწვევს. გავრცელებული ინფორმაციით, 86 წლის ნათელა აგლაძე  ფლორენციაში იმყოფება და ქართველი ემიგრანტები მისთვის თავშესაფრის პოვნას ცდილობენ.

მედიამაუწყებლის ჯგუფში „ქართველი ემიგრანტები - Exclusivetv.ge“ დასადასტურებლად შემოვიდა ინფორმაცია, სადაც აგლაძის დის შვილიშვილი, ლალი ჯანეზაშვილი გავრცელებულ ინფორმაციას უარყოფდა და საზოგადოებისთვის, როგორც თავად ამბობს, სიმართლის თქმა სურდა. ჩვენ დავუკავშირდით ლალი ჯანეზაშვილის, რომელთან საუბრის დეტალებს გიზიარებთ. 

- მე მისი ერთ-ერთი დის შვილიშვილი ვარ. ჩემზე უკეთ არავინ იცის მისი ცხოვრება და ემიგრაციაში ყოფნის ეს წლები. ამაში აქ მყოფი ემიგრანტებიც დამემოწმებიან თუ როგორ ვცდილობდით ყველა და ვერაფერს გავხდით. მეც ემიგრანტი ვარ და ვიმყოფები „მელიტო დი პორტო სალვოში“ და შემიძლია ნებისმიერს გავცე პასუხი და მოვუყვე სიმართლე, „რეჯიო დი კალაბრიაში“ მყოფი ბევრი ემიგრანტი დამეთანხმება იმაზე რასაც ვიტყვი, რადგან თავად არიან მომსწრეები მისი აქ ცხოვრების და ყოფნის თუ რა გამოვიარეთ და რა როგორ იყო უკვე შემდგომ აქ.

- გავრცელებული ინფორმაციით ნათელა აგლაძეს (ადრე აგლაძე სხვა გვარს ატარებდა) ექვსი შვილიშვილი ჰყავს...

- არა, არანაირი 6 შვილიშვილი არ ჰყავს. არც პენსია აქვს, ვინც საპენსიო წიგნაკი და პასპორტი გაუკეთა ცრუ მისამართით და დაკლებული ასაკით, იმას დაუტოვა. გზავნილებს აკეთებდა მაგრამ აქ იტალიაშივე და დღემდე ვერ გავიგე ვის უგზავნიდა ან რატომ.

იპარებოდა ყოველთვის, დიდი ხნით არსად არ ჩერდება სამწუხაროდ. ვერ ვაკავებდით, აგრესიული ხდებოდა შემდეგ. მისი ორი დისშვილი სულ ეხვეწებოდა დაბრუნებულიყო, არაფერს მოაკლებდნენ, მაგრამ იმათთან კონტაქტიც შეწყვიტა მას მერე რაც დედა აქ ჩამოვიყვანე რომ რამენაირად წაეყვანა. სულ იმის შიში მაქვს აქ არაფერი დაემართოს. მეცოდება. მინდა დაბრუნდეს, მაგრამ ვერაფერს გავხდი. მერე დაიკარგა ისევ და გუშინ შემთხვევით გავიგე რომ თურნე ამჯერად ფლორენცაშია.

სახლ-კარიც არავის წაურთმევია, თავად დაკარგა და წლების მერე მოვიდა ჩვენთან, - სახლის გარეშე დავრჩიო. რამდენიმე თვის მერე ისევ გაგვეპარა, ვერ ვპოულობდით და ასე გრძელდებოდა სამწუხაროდ და გრძელდება. თავის უბედურებაც ყოფნის, უბრალოდ სიმართლე ესაა.

არიან ემიგრანტები ვინც ჩემს სიტყვებს დაადასტურებს და იტყვიან თუ რის ფასად უჯდებოდათ მისი გაჩერება ხოლმე. ვერ გავუშვით საქართველოში, ვერც წავიყვანეთ, ასე დადის ქალაქ-ქალაქ და ტყუილებს ჰყვება.- გვითხრა ლალი ჯანეზაშვილმა.

ამავე თემაზე:

📌 „ვინ იცნობს ამ ქალბატონს?“ - ქართველი ემიგრანტები ხანდაზმული ქალისთვის თავშესაფარს ეძებენ

მასალის გამოყენების პირობები





სხვა სიახლეები

1708403502

ჰოროსკოპი

რა გელოდება დღეს - 20 თებერვლის ასტროლოგიური პროგნოზი ზოდიაქოს ყველა ნიშნისთვის

ვერძი წარმატებული და ნაყოფიერი დღეა. კარგი განწყობა სწრაფად და მარტივად მიღწევაში დაგეხმარებათ. მარტოხელა ვერძს, სავარაუდოდ, მნიშვნელოვანი რომანტიკული შეხვედრა ელის. გირჩევთ, საღამოს საკუთარ თავს პატა...

ჰოროსკოპი

1708367180

სპორტი

კვარას და "ნაპოლი"-ს უახლოეს საათებში ახალი მთავარი მწვრთნელი ეყოლება

ავტორიტეტულ იტალიურ მედიაში გავრცელებული ინფორმაციით, უახლოეს საათებში ხვიჩა კვარაცხელიას და "ნაპოლი"-ს ახალი მთავარი მწვრთნელი-სლოვაკი სპეციალისტი  55 წლის ფრანჩესკო კალცონა ჩაიბარებს.  რუდი გარსიასა...

Coach

1708359535

სპორტი

ალექსანდრა კუვაევა იუნიორთა მსოფლიო თასის გამარჯვებულია

ალექსანდრა კუვაევა თბილისში მიმდინარე იუნიორ ხმლით მოფარიკავეთა მსოფლიო თასის გამარჯვებულია.  საქართველოს ნაკრების გამორჩეულმა წევრმა 1/2 ფინალში ნეიტრალური სტატუსით მოასპარეზე პოლინა მიშაკინა 15:12 დ...

Fenc

1708334974

ახალი ამბები

მეგობარს გულში შვიდი ტყვია ესროლა - თბილისში 24 წლის ბიჭი მოკლეს

შინაგან საქ­მე­თა სა­მი­ნის­ტრო თბი­ლის­ში, 25 წლის ბი­ჭის მკვლე­ლო­ბის შე­სა­ხებ ინ­ფორ­მა­ცი­ას ავ­რცე­ლებს. უწყე­ბის გან­ცხა­დე­ბით, აღ­ნიშ­ნულ საქ­მე­ზე ორი პი­რია და­კა­ვე­ბუ­ლი. ერთ-ერთს ბრა­ლად...

ზოგადი

1708329540

ახალი ამბები

ქარელში სახლის სარდაფში 138 გველი ნახეს

ქარელში, 138 გველი აღმოაჩინეს. ამის შესახებ ინფორმაციას რადიო თავისუფლება ავრცელებს. მათივე ცნობით, 17 თებერვალს ქარელის მუნიციპალიტეტის ერთ-ერთი სოფლის მიმდებარედ, კერძო ტერიტორიაზე მიმდინარე სამშენე...

ზოგადი