როგორ უნდა შეხვდეთ ბედობას იმისთვის, რომ მთელი წელი წარმატებული და ბედნიერი გქონდეთ

საქართველოში ბედობას ორჯერ 2 და 15 იანვარს აღნიშნავენ. მიუხედავად იმისა, რომ ბედობა რელიგიური დღესასწაული არ არის, საქართველოში ეს ტრადიცია უკვე საუკუნეებს ითვლის.

როგორ უნდა მოვიქცეთ, რომ ბედნიერება და წარმატება დაგვებედოს?

ეცადეთ, არ იჩხუბოთ, არ იკამათოთ, იყავით ისეთი მშვიდები, როგორც არასდროს. გაეცით დახმარება და გამოიჩინეთ კეთილგანწყობა ადამიანებისადმი.

ბევრს მიაჩნია, რომ როგორც შეხვდება ამ დღეს, მთელ წელს ისე გაატარებს. ამბობენ, რომ ბედობას ყოველთვის ხალისიანი განწყობით უნდა შევხვდეთ.

სხვადასხვა წყაროების მიხედვით, წლების წინ ბედობას თავის რიტუალიც ჰქონდა. ამ დღეს ოჯახი მეკვლეს ირჩევდა.„მფერხავი“ მასპინძელს უნდა სწვეოდა კოხტად და სუფთად გამოწყობილი, თან ტკბილეული უნდა მიერთმია ოჯახისთვის, ასევე მხიარულ განწყობაზე უნდა ყოფილიყო, ღვინო და სხვა სასმელი ზომიერად უნდა დაელია და უკან დაუგვიანებლად გამობრუნებულიყო.

ამ დღეს ოჯახები არც რაიმეს სესხულობდნენ და არც რაიმეს გაასესხებდნენ, ვინაიდან სესხება, გასესხება, ოჯახის ნივთების განათხოვრება და სხვა, დაკავშირებული იყო გაწბილებასთან და მოტყუებასთან. ოჯახში თუ ვინმე ავადმყოფობდა, ცდილობდა ლოგინიდან წამომდგარიყო და ფეხზე მყოფს გაეტარებინა მთელი დღე, რადგან მიაჩნდათ, რომ თუ ბედობას ფეხზე დამდგარი და მედგრად შეხვდებოდნენ, სნეულება და ავადმყოფობა მომავალ წელს აღარ შეაწუხებდათ.

ასევე საინტერესოა:

🔵 „გისურვებთ მშვიდობას და იმ მიმოფანტული ემიგრანტების დაბრუნებას, რომელთა ბეჭებზე დღეს საქართველო დგას და სუნთქავს“ - ემიგრანტი იტალიიდან

🔵 კალანდას სამზადისი გურიაში - რამდენიმე საათში ძველით ახალი წელი დადგება (ფოტო/ვიდეო)

🔵 ლოცვა ცოცხალთათვის - რომელიც ყველამ უნდა წაიკითხოთ