ჟურნალისტებს, ხელოვნური ინტელექტის სისტემა ჩაანაცვლებს - მსოფლიოს ერთ-ერთმა უმსხვილესმა გამომცემელმა, მილანში არსებული რედაქცია დახურა

უახლოეს დღეებში მილანის ერთ-ერთი რედაქცია დაიხურება: მიუხედავად იმისა, რომ მოქმედი განყოფილება იტალიაში მოგებას კვლავ გამოიმუშავებს, სტამბა დაიხურება და სამი ჟურნალისტი სამსახურს დაკარგავს.

ეს განცხადება გერმანელმა მედია გიგანტმა, აქსელ სპრინგერმა გააკეთა (შტაბ-ბინა ბერლინში).

Axel Springer-მა, მსოფლიოს ერთ-ერთმა უმსხვილესმა გამომცემელმა, მილანში არსებული რედაქცია დახურა და “upday“-ის ახალი ამბების განყოფილებაში რამდენიმე ჟურნალისტი თანამდებობიდან გაათავისუფლა. ჟურნალისტებს ახალი ხელოვნური ინტელექტის სისტემა ჩაანაცვლებს, რომელიც ახალი ამბების ავტომატურად გენერირებას შეძლებს.

“Upday“-ის ჟურნალისტების გათავისუფლება სიმბოლური მოვლენაა, რომელიც აღნიშნავს ახალ ფაზას ხელოვნურ ინტელექტსა და ჟურნალისტიკას შორის ურთიერთობაში. ხელოვნური ინტელექტი სულ უფრო ხშირად გამოიყენება ჟურნალისტიკაში გარკვეული ამოცანების ავტომატიზაციისთვის, როგორიცაა ახალი ამბების შეგროვება, სტატიების წერა და ახალი ამბების გავრცელება.

“Upday“-ის შემთხვევაში, ხელოვნური ინტელექტი გამოყენებული იქნება სტატიების გენერირებისთვის დღის ყველაზე მნიშვნელოვან სიახლეებზე, შერჩეული ალგორითმის საფუძველზე, რომელიც ითვალისწინებს ისეთ ფაქტორებს, როგორიცაა მომხმარებლის ინტერესი და წყაროების სანდოობა.

“Upday“-ის დახურვამ  ჟურნალისტებსა და პროფკავშირებში შეშფოთება გამოიწვია. არსებობს შიში, რომ ხელოვნურმა ინტელექტმა შეიძლება გამოიწვიოს სამუშაო ადგილების დაკარგვა ჟურნალისტიკაში, განსაკუთრებით ჟურნალისტებისთვის, რომლებიც ასრულებენ განმეორებით და ავტომატიზებულ დავალებებს. აქსელ სპრინგერის განცხადება მნიშვნელოვანი სიგნალია იმ ცვლილებებისა, რაც ჟურნალისტიკაში ხდება. ხელოვნური ინტელექტი სულ უფრო მნიშვნელოვანი ხდება ჟურნალისტიკაში, მაგრამ ის სრულად ვერ ჩაანაცვლებს ჟურნალისტებს. ჟურნალისტებს მოუწევთ ამ ცვლილებასთან ადაპტაცია და ახალი უნარების განვითარება კონკურენტუნარიანობის შესანარჩუნებლად.

ირმა მაისურაძე/იტალია/ბარი

აგრეთვე დაგაინტერესებთ:

📌 რომის პაპმა ერთნაირსქესიანი წყვილების ქორწინების დალოცვა დაუშვა

📌 ,,რა მინდოდა წვენებში”… - რას წერს დეკანოზი პეტრე კოლხი

📌 “ლაზუს ოპერაცია დასასრულს უახლოვდება” _ პატარა ლაზარეს შესახებ ახალი ინფორმაცია ვრცელდება