ანტიბიოტიკიც დაუნიშნა და კბილებზე რენტგენის გადაღება მოსთხოვა - რას ჰყვებიან 9 წლის გოგონაზე, რომლის გარდაცვალებასაც კბილის ამოღების შემდგომ გართულებას უკავშირებენ
მარტვილის სოფელ მუხურჩაში 9 წლის მარიამ ფოჩხუა დაიღუპა. ბავშვს სარძევე კბილის ამოღებიდან მე-8 დღეს, ჭრილობის არეში და მის მიმდებარედ, ანთებითი პროცესის - დაგროვილი ჩირქოვანი მასის გამო, ყბის არეში გაკვეთა დასჭირდა, რაც გართულებული მდგომარეობითა და გოგონას გარდაცვალებით დასრულდა.
ბოლო დღეებამდე სრულიად ჯანმრთელი ბავშვის დაღუპვა უმძიმესი ტრაგედიაა, არა მხოლოდ ოჯახისა და სოფლისთვის... ეს თემა სოციალურ ქსელში განსჯის საგანი გახდა და საზოგადოების ნაწილი სტომატოლოგს სდებს ბრალს, ნაწილი კი, მიზეზად ფოჩხუების ოჯახის სოციალურად მძიმე მდგომარეობას ასახელებს, რის გამოც, პატარა მარიამისთვის სხვადასხვა სამედიცინო საჭიროებისა და მედიკამენტების შესაძენად, მათ თანხა არ აღმოაჩნდათ
ტრაგედიის შესახებ, "კვირის პალიტრა" ოჯახის ერთ-ერთ ახლობელს ესაუბრა, რომელმაც გასაგები მიზეზების გამო, ვინაობის გამხელა არ ისურვა.
15:40 / 20-11-2022
მარტვილის სოფელ მუხურჩაში 9 წლის მარიამ ფოჩხუა დაიღუპა. ბავშვს სარძევე კბილის ამოღებიდან მე-8 დღეს, ჭრილობის არეში და მის მიმდებარედ, ანთებითი პროცესის - დაგროვილი ჩირქოვანი მასის გამო, ყბის არეში გაკვეთა დასჭირდა, რაც გართულებული მდგომარეობითა და გოგონას გარდაცვალებით დასრულდა.
ბოლო დღეებამდე სრულიად ჯანმრთელი ბავშვის დაღუპვა უმძიმესი ტრაგედიაა, არა მხოლოდ ოჯახისა და სოფლისთვის... ეს თემა სოციალურ ქსელში განსჯის საგანი გახდა და საზოგადოების ნაწილი სტომატოლოგს სდებს ბრალს, ნაწილი კი, მიზეზად ფოჩხუების ოჯახის სოციალურად მძიმე მდგომარეობას ასახელებს, რის გამოც, პატარა მარიამისთვის სხვადასხვა სამედიცინო საჭიროებისა და მედიკამენტების შესაძენად, მათ თანხა არ აღმოაჩნდათ
ტრაგედიის შესახებ, "კვირის პალიტრა" ოჯახის ერთ-ერთ ახლობელს ესაუბრა, რომელმაც გასაგები მიზეზების გამო, ვინაობის გამხელა არ ისურვა.
- მარის დაღუპვამ უამრავი ადამიანი შეძრა. ყველა მათგანს კი აწუხებს განცდა, როგორ შეიძლება დღეს ბავშვი კბილის ამოღებით გარდაიცვალოს, თუკი ყველა პროცედურა წესების დაცვით შესრულდა?!
- ჩვენი უბედურება ამტკიცებს, რომ თურმე ასეც შეიძლება. მედიცინის სპეციალისტი არ ვარ, რომ ვიცოდე, რა რატომ მოხდა და ასეთ უბედურებაზე კიდევ ექიმის ცოდვას ვერ დავიდებთ, მას ვერ დავაბრალებთ ყველაფერს. მარიამი 9 წლის იყო. ამ ასაკში უმეტესად შინ უღებენ კბილებს. თუმცა, მიუხედავად იმისა, რომ ბავშვს კბილი ერყეოდა, მშობლებმა შინ ვერ ამოუღეს და ამიტომაც წაიყვანეს ექიმთან, რომელმაც კბილი ამოუღო და როგორც ჩანს, რაღაც საეჭვოც დაინახა. იმიტომ, რომ ჭრილობაში ჩირქი იყო. ამის გამო, ანტიბიოტიკიც დაუნიშნა და მარის დედას ბავშვის კბილებზე რენტგენის გადაღება მოსთხოვა. დაავალა: სურათი აუცილებლად მომიტანეო და გამოუშვა ბავშვიც და მშობელიც.
- ალბათ, რენტგენის გადაღება მალე ვერ მოხერხდა, თორემ მძიმე მდგომარეობა ფირზე ხომ გამოჩნდებოდა.
- ეს არ ვიცი, ვერ გეტყვით. მაგრამ მარი სტომატოლოგის დანიშნულ ანტიბიოტიკს ნამდვილად სვამდა. თუმცა, მაინც გამოგვეცალა ხელიდან... კბილის ამოღებიდან მეათე დღეს.
- ამ ხნის განმავლობაში, ალბათ ტემპერატურაც მაღალი ჰქონდა.
- ყოველ შემთხვევაში, ბავშვი სუსტად არ იყო. პარასკევს, მაგალითად, სკოლაში ჩვეულებრივად წავიდა. იქაც არ შესტყობია, რომ ცუდად იყო ან რაიმე სტკიოდა. ასე რომ ყოფილიყო, სკოლაში ხომ არ წავიდოდა?! თუმცა ბავშვი უკვე ორშაბათს ძალიან ცუდად იყო.
წყარო: ამბები.ჯი
ასევე საინტერესოა:
🔵 „სამუდამოდ ჩამოშორდეს ეპისკოპოსი ზენონი ეპარქიას“ - ლონდონის ტაძრის მრევლი მიმართვას ავრცელებს
1722025103
ჰოროსკოპი27 ივლისის ასტროლოგიური პროგნოზი
რას გვირჩევენ ვარსკვლავები 27 ივლისისთვის ჯანმრთელობის, ბიზნესის და სიყვარულის მიმართულებით? ვერძი მოულოდნელ პრობლემებს მწყობრიდან გამოჰყავხართ, თუმცა თქვენი ემოციებით მხოლოდ სიტუაციას ამწვავებთ. პრო...
1722022677
ახალი ამბებითბილისის ქუჩები, სადაც შუქი გაითიშება - გადაამოწმეთ თქვენი მისამართი
გადაუდებელი სამუშაოების გამო 27 ივლისს თბილისის ქუჩების ნაწილს ელექტრომომარაგება დროებით შეუწყდება. კომპანია თელასის განცხადებით, შეზღუდვა შეეხება შემდეგ ქუჩებს: საბურთალოს რაიონი გადაუდებელი სამუშაოე...
1722020263
სპორტინიკოლოზ ბასილაშვილი ვერონას ტურნირის ნახევარფინალში გავიდა
ქართველი ჩოგბურთელი ნიკოლოზ ბასილაშვილი ვერონას ჩელენჯერის ნახევარფინალში ითამაშებს. მან, ტურნირის მეოთხედფინალურ ეტაპზე, მეორე ნომრად განთესილი ჰოლანდიელიდე იონგი სამ სეტში, ანგარიშით 6:4, 4:6, 6:1 დ...
1722017976
საზოგადოება„საუკეთესო საზაფხულო სიმღერების პოპური“ - თიკა ფაცაციას და აჩიკო სოლოღაშვილის სიმღერა, რომელიც სოცქსელს იპყრობს
მსახიობებმა და ტელეწამყვანებმა, აჩიკო სოლოღაშვილმა და თიკა ფაცაციამ გადაცემაში „დილა მშვიდობისა საქართველო“ სიმღერების საოცარი შესრულება მაყურებელს გაუზიარეს. ვიდეომ სოციალურ ქსელში საზოგადოების თბილი...
1722014786
მსოფლიორუსეთში ხანძარს 2 წლის ბავშვი ემსხვერპლა
რუსეთში, ულიანოვსკის ოლქში გაჩენილ ხანძარს 2 წლის ბავშვის სიცოცხლე ემსხვერპლა, სამი ზრდასრული კი დაშავდა. ამის შესახებ ინფორმაციას რუსული მედია საგანგებო სიტუაციების და კატასტროფების მართვის სამინისტრ...