"ბრალდებების მიზანი, პარტიის უმოქმედობის და იქ გამეფებული საბჭოთა მენტალიტეტის გადაფარვის მცდელობაა" - გახარიას პარტიიდან გარიცხული დავით ფარცვანია ბრალდებებს პასუხობს

თბილისის საკრებულოში პარტია „საქართველოსთვის“ ყოფილი წევრი, პარტიიდან გარიცხული დავით ფარცვანია მის მიმართ გაჟღერებულ ბრალდებებს ეხმაურება და აცხადებს, რომ პარტია მან საკუთარი ნებით დატოვა.

ფარცვანიამ განცხადება, სოციალურ ქსელ "ფეისბუკში" გაავრცელა.

"პარტია საქართველოსთვის განცხადებები არის უსაფუძვლო - ჭორაობა და "კაგებეშნიკური " პროპაგანდა!

დეზინფორმაციის ტირაჟირების, ბინძური მეთოდებით ჩემზე თავდასხმის, და უსაფუძვლო ბრალდებების მიზანი კი - პარტიის უმოქმედობის და იქ გამეფებული საბჭოთა მენტალიტეტის გადაფარვის მცდელობა!!!.

ფაქტი ერთია - თუ ხვალ ვინმე ამ პარტიის რიგების დატოვებას გადაწყვეტს - ავტომატურად "ჩაუდებენ "სუსის აგენტობას"ეს მათთვის ყველაზე მარტივია რადგან - მოსყიდვის,ფულის და ბინძური გარიგებების გარეშე როგორც ჩანს ამ პარტიის წევრებისთვის გადაწყვეტილების მიღებაც კი -წარმოუდგენელია...ისე ბოლომდე გულწრფელი რომ ვიყო - ეს არ გამკვირვებია ...))))

ზუსტად ამიტომ - არაფრით განსხვავდებით რუსული პროპაგნდის იდეოლოგიებისგან -დარჩებით იქ სადაც ხართ ახლა!

რაც შემეხება მე - ჩემს მანდატს, რომელიც მაქვს დამსახურებულად გამოვიყენებ უფრო ეფექტურად - ვრჩები ამ ქვეყნის მოქალაქეების სამსახურში - პარტიული კუთვნილების გარეშე!", - აცხადებს დავით ფარცვანია.

ამავე თემაზე:

* "თანამშრომლობდა სუსთან, აწვდიდა ინფორმაციებს. სულ რაღაც 20 ათასი დოლარის სანაცვლოდ" - თბილისის საკრებულოს წევრი, დავით ფარცვანია, გახარიას პარტიიდან გარიცხეს