დომენიკ მანგო: თავად ინგა გრიგოლიას შვილიშვილი რომ ბერას მონათლულია, ამის ბედნიერება აქვთ სხვა ბავშვებს?! - როცა ამ თემას გაიხსენებ, მაშინ იტყვის შვილი რა შუაშიაო

სამოქალაქო აქტივისტი, კუკური ბარამიძე იგივე დომენიკ მანგო, ფეისბუკში წერს:

"ძალიან არ ვეთანხმები ინგა გრიგოლიას და სხვა დანარჩენებს, რომლებიც პოლიტიკოსების შვილებზე აქცენტირებენ, რომ კალათბურთის მატჩზე წაიყვანეს თავიანთი შვილები.

მერე რა, რომ გამარჯვებულ კალათბურთელებთან გადაიღეს ფოტო?

ან რა არგუმენტია “სხვასაც ჰყავს შვილები”, რატომ ცდილობთ ისეთ კენჭებს გაადინოთ წვენი, რომელსაც არ ედინება? ბავშვებს რატომ სთხოვთ მშობლებზე პასუხს? რა, მათ არ უხარიათ? თუ კი იმის საშუალება ეძლევათ, რომ ისედაც ჩაკეტილები და დაცვის გარემოში გამომწყვდეულები, გამოდიან სახლიდან და სადღაც მაინც შეუძლიათ რამე ახლის ნახვა, იმ მშობლებთან ერთად, რომლებსაც შეიძლება კვირაში ერთხელ ხედავენ?

დამერწმუნეთ, სხვისი შვილები შეიძლება იმ გასახდელში ვერ შედიან, თუმცა იმ ბავშვებისგან განსხვავებით ადამიანურად მაინც ცხოვრობენ თავიანთ თანატოლებთან ერთად და ეზოში სხვა ბავშვებთან ერთად წრეში ბურთს თამაშობენ, პოლიტიკოსების შვილები კი ვერც იოცნებებენ ამაზე.

ეს ძალიან კარგად იცის ინგა გრიგოლიამ და სხვებმა, რომელიც კენჭს უჭერენ ხელს და ძალას ატანენ წვენის გამოსადენად.

თავად ინგა გრიგოლიას შვილიშვილი რომ ბერას მონათლულია, ამის ბედნიერება აქვთ სხვა ბავშვებს?!

როცა ამ თემას გაიხსენებ, მაშინ იტყვის შვილი რა შუაშიაო – თუმცა როცა სხვის შვილებს ეხება საქმე, მაშინ სრულ განკითხვაში უნდა მოვაქციოთ ის ბავშვები.

დაანებეთ თავი შვილებს და დაეტიეთ თქვენს კერძო ბრძოლაში", - წერს დომენიკ მანგო.

ამავე თემაზე:

* ვახო სანაია: "ბოდიში იმ უდანაშაულო ბავშვებთან, რომლებიც გასახდელში აღმოჩნდნენ მშობლების რეგვენებოსა და თავხედობის გამო"