ვახო სანაია: "ბოდიში იმ უდანაშაულო ბავშვებთან, რომლებიც გასახდელში აღმოჩნდნენ მშობლების რეგვენებოსა და თავხედობის გამო"

ჟურნალისტი ვახო სანაია:

"კალათბურთელთა გასახდელში შვილებთან ერთად ჩასული ,,ქართული ოცნების” ცეკას მდივნები თანამედროვე საქართველოს მოდელია.

რას უშვრებიან ეს გარეწრები თავიანთ შვილებს ან რას უკეთებენ სხვის შვილებს ! 

მერამდენედ აკეთებენ ეს არარაობები. მერამდენედ აჩვენებენ ამ ქვეყნის ბავშვებს, რომ თუ მამა ცეკას მდივანი არაა, ისე ვერც გასახდელში მოხვდებიან და საერთოდ, ვერაფერს მიაღწევენ. ხალხი უბრალოდ, მოურავებად სჭირდებათ.

ცეკას მდივნების შვილები უცხოეთში ივლიან სასწავლებლად და გასართობად, ყველა დანარჩენი ჩამორჩენილი რუსეთისთვის სჭირდებათ; ეს არარაობები ევროპასა და ამერიკას აგინებენ, შვილებს კი იქ გზავნიან უნივერსიტეტებში.

სტატუსს ქოცებისთვის ვწერ – თქვენს შვილებს ,,პრასვეტი” არასდროს ექნებათ. აი, თანამდებობის პირების შვილები თქვენს შვილებს რომ სცემენ კლუბებში და ვერაფერსაც ვერ გააწყობთ, მერე მიხვდებით, რასთან გაქვთ საქმე; მერე თქვენივე შვილი მოგთხოვთ პასუხს, რატომ უწყობდით ხელს ამ ნაძირალების ძალაუფლების განმტკიცებას; თქვენს შვილებსა და მათ შვილებს არასდროს ექნებათ სასტარტო პირობები; ისინი ისწავლიან, დაბრუნდებიან, აქ გამზადებულ სკამებსა და ბიზნესს დაახვედრებენ ირაკლი ღარიბაშვილისნაირი ცეკას მდივნები, თქვენი შვილები კი ისევ მათთან იმუშავებენ კოორდინატორებად; დააყენებენ საარჩევნო უბნებთან მზესუმზირით ხელში; სახელმწიფო კომპანიებში მიუგდებენ ფურცელზე გაფორმებულ რამე სამსახურს და საჭირო დროს ხმას მიაცემინებენ ბიძინასთვის. უბრავლესობა ამასაც ვერ მიიღებს. ისევ ლომბარდებთან ნახავთ თქვენს შვილებს. ყველა ის ადგილი დახურული იქნება მათთვის, სადაც ცეკას მდივნების შვილები ივლიან; ბევრიც საერთოდ გაგექცევათ საზღვარგარეთ სამუშაოდ, რადგან არ მოინდომებს ბერას მოსამსახურეობას.

აი, ეს არის რეალობა.

PS

ბოდიში იმ უდანაშაულო ბავშვებთან, რომლებიც გასახდელში აღმოჩნდნენ მშობლების რეგვენებოსა და თავხედობის გამო, მაგრამ სიმართლე უნდა ითქვას", - წერს სანაია.

ასევე დაგაინტერესებთ:

* "ქრისტიანი, მაზიარებელი კაცი, თავის მოკვლაზე თავის ქვეყანაში არ უნდა ფიქრობდეს" – მეუფე იაკობი