"იმაზე მეტი კავშირია ამ ვულგარულ ფამილარობასა და კალაძის PR სვლას შორის, ვიდრე ერთი შეხედვით ჩანს" - თამარ ჩერგოლეიშვილი

"ტაბულას" რედაქტორი, თამარ ჩერგოლეიშვილი სოციალურ ქსელში წერს:

"მამაჩემს ბავშვობიდან უყვარს მანქანები.

ინჟინერია აღაფრთოვანებს ზოგადად.

ყველაფერს შლის, თავიდან აწყობს.

პატარა ვიყავი, ასე 5-6 წლის (თვითონაც პატარა იყო, ასე 24-25 წლის) და თავისი ფულით, 1000 მანეთად კუ ზაპოროჟეცი იყიდა.

დაშალა ეს მანქანა, თავიდან ააწყო, ძრავი გაუუმჯობესა, გადაღება. წიგნების თაროდან ჩამოიღო ცხვირზე ხელმიდებული შავი რკინის ეშმაკი, რომელიც მგონი პოლონეთიდან ჰქონდა ჩამოტანილი - გადაჭრა, ცხვირზე დაუმაგრა მერსედესის ნიშანივით, მერე გამოჭრა სტენსილი და გვერდებზე AZZAZEL - დააწერა.

ერთხელაც მუსიკიდან მოვყავარ, მუსიკას ვუსმენთ და „გაიშნიკმა“ გააჩერა.

მანქანას წრე დაარტყა, დაათვალიერა, დოინჯი შემოირტყა და მეორე ხელით რომ ღიპს იფხანდა, თან შემოსძახა - „ამის ყიდვას, ჟიგულის ყიდვა არ გერჩია?“

მამაჩემის ზიზღით აღსავსე სახე არ დამავიწყდება - ყველაფერი ეზიზღებოდა, საბჭოთა კავშირი, ღიპიანი გაიშნიკი, ამ გაიშნიკის ფამილარობა, სისტემა, რომელიც გაუგებარს ხდიდა რატომ შეიძლება მამაჩემს ეყიდა ზაპოროჟეზი და არა ჟიგული...

ასეთივე ზიზღი მიჩნდება სახეზე, როდესაც ვხედავ რომ ვიღაც სრულ იგნორირებას უკეთებს იმას, რომ მე ჩემი საქმე მომწონს, ამ საქმეზე ვფიქრობ, ვმუშაობ, რაღაც მიზნები მაქვს, ამ მიზნებს ვხსნი და ამ მიზნებისკენ მივიწევ.

და უცებ ვიღაც მოდის და ფამილარულად მეუბნება „ქარიზმატული ლიდერი გინდათ ქართველებს ბიძი“.

ჟიგული კი არადა, ვინაა ეს „ქარიზმატული ლიდერი“? ვინ "გვინდა ქართველებს"?

მგონია რომ იმაზე მეტი კავშირია ამ ვულგარულ ფამილარობასა და კალაძის PR სვლას შორის, ვიდრე ერთი შეხედვით ჩანს", - წერს ჩერგოლეიშვილი.

ასევე დაგაინტერესებთ:

* "მეოთხე კლასში, დავინახე, რომ თხელ ფურცელზე ამობეჭდილი ათობით ხატი იდო და მასწავლებელი ცეცხლის დასანთებად იყენებდა. რატომ აკეთებ მეთქი და ამ ხატს არც ძალა აქვს, არც ნაკურთხიაო - გაკვეთილი რომ დაიწყო, მოვიპარე ის ფურცლები"