"ისე რომ იცოდეთ, ცოტ-ცოტა პასუხისმგებლობა ყველაზეა, ამ ქვეყნის ყველა მოქალაქეზე! - თავი დაანებეთ ამ კაცს, ისედაც ცუდად არის"

ქართველი რეპერი კაბუ, იგივე კახა აბუაშვილი, სოციალურ ქსელში ვაკის პარკში მომხდარ ტრაგიკულ შემთხვევას ეხმაურება და თბილისის მერის, გადადგომის მოთხოვნით აგორებულ კამპანიას ეხმაურება:

"არ ვიცი რა სიტყვა შეიძლება მოიძებნოს იმისთვის, რომ ანუგეშო პატარა ანგელოზის მშობლები, მე ვიცი რასაც ნიშნავს შვილის დაკარგვა, ვიცი როგორი ტკივილი და როგორი სიმწარეა ეს!

ვუსამძიმრებ პატარა მარიტას მშობლებს და ვიზიარებ მათ ტკივილს აბსოლუტურად ბოლომდე!

ახლა რაც შეეხება კახი კალაძეს და ადამიანებს ვინც ამ ტრაგედიით, ამ საშინელი ინციდენტით ხმების და ქულების მოხვეჭას ცდილობს, ვინც რევანშის და შურისძიების მიზნით ბინძურად და უტაქტოდ, არაადამიანური სისასტიკით ტალახს სცხებთ და თითს იშვერთ და ლანძღავთ აბრალებთ საშინელებას, ვერც ხვდებით რამხელა საშინელებას, არ ფიქრობთ რომ ამაზე უარესი შეიძლება თქვენ დაგემართოთ?

არ გიფიქრიათ იმაზე თუ რას ნიშნავს ყველაფერზე წასვლა რაღაც ბოზობა ამბიციების გამო?

იქნებ არ ღირს ჰაა?

უხ, თქვე არასწორებო!

ისე რომ იცოდეთ, ცოტ-ცოტა პასუხისმგებლობა ყველაზეა ამ ქვეყნის ყველა მოქალაქეზე!

და თუ რატომ, აი გადახედეთ  თქვენს ქცევებს და ნაცხოვრებს ბლიად!

თავი დაანებეთ ამ კაცს, ისედაც ცუდად არის თქვენ, რომ არ დაუმატოთ.

ვიღაცა უპასუხისმგებლომ რაღაც ვერ გააკეთა და მოხდა ტრაგედია.

კიდევ ერთხელ ვუსამძიმრებ და ვიზიარებ ამ პატარა საოცარი გოგონას დაკარგვას მის ოჯახს…", - წერს რეპერი.

ვაკის პარკის შადრევანში ბურთის ამოსაღებად ჩასულ სამ არასრულწლოვანს დენმა დაარტყა.ერთ-ერთი მათგანის, მარიტა მეფარიშვილის გადარჩენა ვერ მოხერხდა. მომხდარ ფაქტთან დაკავშირებით, შინაგან საქმეთა სამინისტრომ გამოძიება დაიწყო. 
 
ამავე თემაზე:

* "დღეს კახა კალაძეც ჭირისუფალია! და არა - დამნაშავე! თითქოს რაღაც უნდა ესწავლებინა გასულ წლებს ჩვენთვის, მაგრამ ვერა" - ბონდო მძინარაშვილი

* "თავს დამნაშავედ არ ვგრძნობ, მაგრამ ის პატარა, რომელიც გარდაიცვალა, სიცოცხლის ბოლომდე იქნება ჩემს სასჯელად - ძალიან არ მინდა ვთქვა, მაგრამ წინასწარ განსაზღვრულ ქმედებას ჰგავს" - "გრინსერვის პლუსის" დირექტორი