მეუფე დიმიტრი: „მრევლის სიხარულის ცრემლი უფრო მეტია ჩემთვის, ვიდრე ზენონის უაზრო ამბიციები“

ბათუმისა და ლაზეთის მიტროპოლიტი მეუფე დიმიტრი შიოლაშვილი მეუფე ზენონის შესახებ განცხადებას აკეთებს.

მეუფე დიმიტრის თქმით, არ შეიძლება, რომ მღვდელმთავარი მრევლს ერთ დღეს ფინანსურ მხარდაჭერას სთხოვდეს და მეორე დღეს ბრბოს ეძახდეს.

„ჩვენი მთავარი დანიშნულებაა ამ კონფლიქტში, მრევლის სატკივარი და საჩივარი მიგვეტანა ეკლესიამდე. არ შეიძლება მღვდელმთავარი მრევლს ერთ დღეს ფინანსურ მხარდაჭერას სთხოვდეს და მეორე დღეს ბრბოს ეძახდე, ტაძრიდან აძევებდე, მონატრებულ სამშობლოზე აუგს ეუბნებოდე, პოლიციას აჭერინებდე. ჩვენ ეს მოვახერხეთ, ეკლესიის ყურადღება მივიპყარით იქ არსებულ სერიოზულ პრობლემებზე. კრებაზე დამსწრე მღვდელმთავრებმა (მისმა თანამზრახველებმაც კი) ერთხმად მივიღეთ მისი სამღვდელმთავრო კათედრის დატოვების გადაწყვეტილება. გინდა შეთქმული მეძახოს მთავარეპისკოპოსმა ზენონმა, გინდა მოღალატე. მრევლის სიხარულის ცრემლი გაცილებით უფრო მეტია ჩემთვის, ვიდრე ზენონის უაზრო ამბიციები“, – აღნიშნულია მეუფე დიმიტრის განცხადებაში, რომელსაც „ფორმულა“ ავრცელებს. 

18 ნოემბერს საქართველოს საპატრიარქო მთავარეპისკოპოს ზენონთან დაკავშირებით განცხადება გაავრცელა და იგი დიდი ბრიტანეთისა და ირლანდიის ეპარქიის ხელმძღვანელობიდან გათავისუფლდა.

ასევე საინტერესოა:

🔵  „სამუდამოდ ჩამოშორდეს ეპისკოპოსი ზენონი ეპარქიას“ - ლონდონის ტაძრის მრევლი მიმართვას ავრცელებს

🔵 დემეტრე ადგილზე დაიღუპა, მიშიკო კრიტიკულ მდგომარეობაშია - მერაბ ებრალიძე ამერიკაში დატრიალებულ ტრაგედიაზე წერს