"მიხეილ სააკაშვილის ლიკვიდაციას დიდი ხანია, ცდილობენ - "ხალხის ძალაში" არ მგონია, ხალხი რაღაც პროგნოზირების განსაკუთრებული ნიჭით გამოირჩევა"

"მიხეილ სააკაშვილის ლიკვიდაციას დიდი ხანია, ცდილობენ, მაგრამ არ მგონია, „ხალხის ძალაში“ არიან ადამიანები, რომლებიც რაღაც პროგნოზირების განსაკუთრებული ნიჭით გამოირჩევიან", – ამის შესახებ საქართველოს ყოფილი პრეზიდენტის, მიხეილ სააკაშვილის დედამ, გიული ალასანიამ „ხალხის ძალის“ განცხადებაზე კომენტარისას აღნიშნა.

მოძრაობა „ხალხის ძალა“ ავრცელებს განცხადებას, სადაც აღნიშნულია, რომ „სააკაშვილის პატრონებმა მოუხშირეს საუბარს, რომ ციხეში მისმა შესაძლო სიკვდილმა შეიძლება, ქვეყნის მომავალი განსაზღვროს“.

განცხადების თანახმად, სააკაშვილი თავის „პატრონებს“ კონკრეტული თემებით აშანტაჟებს.

„მიხეილ სააკაშვილის ლიკვიდაციას დიდი ხანია, ცდილობენ.

ეს მოწამვლაც ამიტომ მოხდა.

დიახ, რა თქმა უნდა ამას ცდილობენ. მაგრამ რაც შეეხება ამ პროგნოზებს, არ მგონია, რომ ეს ის ხალხია, რომლებიც რაღაც პროგნოზირების განსაკუთრებული ნიჭით გამოირჩევა.

ალბათ, ამ შინაარსის განცხადებას შესაშინებლად აკეთებენ, ყველას ერთად აშინებენ. იმ ამერიკელებს უქნევენ თითს, ალბათ. აბა ახლა, ჩვენ ვართ პატრონები და ჩვენ რომ ვერ გვიგულისხმებენ ამ კონტექსტში, ეს ხომ ნათელია.

რაღა უნდა დაემართოს, მოწამლულია ადამიანი.

მოწამლული იმისთვის ხომ არ არის, რომ გაუმჯობესდეს მისი ჯანმრთელობის მდგომარეობა, არამედ სწორედ იმისთვის მოწამლეს, რომ მოკლან“,- აღნიშნა გიული ალასანიამ.

ასევე დაგაინტერესებთ:

* "ზელენსკიმ ბუბა კიკაბიძის სამძიმარში ქართველები დიად ერად მოგვიხსენია. ესეც კამათის საბაბი გახდა, რაღა გვაქვს დიადისო" - ნათია ფანჯიკიძე

* სანდრო ბაზაძე ტუნისის გრან პრის პირველი ქართველი გამარჯვებული გახდა