„ნახევარ მილიონ ლარზე მეტი მიითვისა“ - ყალბი სამუშაო საბუთების დამზადების ბრალდებით „ხელვაჩაურის წყალკანალის“ ყოფილი დირექტორი დააკავეს

საქართველოს პროკურატურამ შპს „ხელვაჩაურის წყალკანალის“ ყოფილი დირექტორი ყალბი სამუშაო საბუთების დამზადების ბრალდებით დააკავა. უწყების მიერ გავრცელებული ინფორმაციის თანახმად, დაკავებული 2019-2021 წლებში წყალსადენების სათავე ნაგებობების მოვლა-გაწმენდითი სამუშაოების შესახებ ფიქციურ ხელშეკრულებებს აფორმებდა და ამით 520 ათას ლარზე მეტი მიითვისა.

„ფიქციური შრომითი ხელშეკრულებებისა და ყალბი მიღება-ჩაბარების აქტების საფუძველზე, ფიქციურად დასაქმებულ პირებს, ანაზღაურების სახით, ყოველთვიურად საბიუჯეტო თანხები ერიცხებოდა, რასაც ბრალდებული მართლსაწინააღმდეგოდ ითვისებდა“, – აცხადებენ პროკურატურაში.

დაკავებულს ბრალდება საქართველოს სისხლის სამართლის კოდექსის 182-ე მუხლის მე-2 ნაწილის „ა“, „დ“ და მე-3 ნაწილის „ბ“ ქვეპუნქტებით (სამსახურებრივი მდგომარეობის გამოყენებით, დიდი ოდენობით თანხების ჯგუფურად მითვისება); 332-ე მუხლის პირველი ნაწილით (სამსახურებრივი უფლებამოსილების ბოროტად გამოყენება); 341-ე მუხლით (სამსახურებრივი სიყალბე) და 210-ე მუხლის მე-2 ნაწილის „ა“ ქვეპუნქტით (ყალბი საგადასახადო დოკუმენტის ჯგუფურად დამზადება-გამოყენება) წარედგინა.

მას 7-იდან 11 წლამდე პატიმრობა ემუქრება.

ასევე დაგაინტერესებთ:

🔵 „არანაირი წყალი არანაირი კილომეტრები და არც ღამე გადავსულვარ“ - რას წერს ქალი, რომელიც ამერიკაში მექსიკიდან ე.წ. „გადამყვანების“ გარეშე ჩავიდა

🔵 მძიმე ისტორია: „მივედი უჯრა გამოვაღე და არც ერთი ცენტი, ჩამოვჯექი და იცით მართლა ვიგრძენი გახრწნილი სულის სუნი“ - ქალი ქმარმა ემიგრაციაში ჩვილ შვილთან ერთად მიატოვა

🔵 „საკუთარმა შვილებმა იძულებით ემიგრაციაში გამამწესეს და როგორც ნივთი ჩამდეს თვითმფრინავში“ - ემიგრანტის უმძიმესი ისტორია