"ვახტანგ ჩარკვიანი ზედოზირებით გარდაიცვალა" - შოკის მომგვრელი დასკვნა 20 წლის ფეხბურთელის საქმეზე

კორონავირუსით დაღუპული 20 წლის ფეხბურთელის, ვახტანგ ჩარკვიანის ახლობლები პროკურატურასთან აქციას მართავენ.

ოჯახმა საქმეზე დამოუკიდებელი ექსპერტიზა ჩაატარა, რითაც დადგინდა, რომ 20 წლის ბიჭის გარდაცვალება ზედოზირებამ გამოიწვია.

პაციენტის ისტორიიდან ირკვევა, რომ რესპუბლიკურ საავადმყოფოში მოთავსებულ ახალგაზრდა ფეხბურთელს 5 დღის განმავლობაში 193 ამპულა ძლიერი ნარკოტიკული საშუალება ფენტალინი და 67 ამპულა კიდევ ერთი ძლიერ მოქმედი მედიკამენტი - მიდაზოლამი გაუკეთეს. 

გაიოზ ჩარკვიანი ითხოვს, რომ ყველა უნდა მიეცეს პასუხისგებაში, ვისაც მისი შვილის მკვლელობაში რაიმე სახის დანაშაული აქვს.

“ექსპერტმა პირდაპირ, ცალსახად თქვა, ის რომ აღნიშნული პრეპარატები აღნიშნული დოზებით მიმაჩნია სასიკვდილოდ. კერძოდ, გამოიწვევს სასუნთქი გზების დათრგუნვას, კომას და ბიოლოგიურ სიკვდილს. თვითონ თეა ბეგიაშვილს თუ უნდა, რომ ითანამშრომლოს გამოძიებასთან, უნდა დაასახელოს... ყველა უნდა მიეცეს პასუხისგებაში, ვინც ჩემი შვილის მკვლელობაში მიიღო მონაწილეობა. არ გამოვრიცხავ ათი ადამიანიც იყოს, არ გამოვრიცხავ ოციც, მაგრამ პირველი სართულიდან მოყოლებული, ვინც ჩემი შვილი მიაგდო უპატრონოდ, არ აძლევდნენ არც საკვებს, არც წყალს, არც ერთი ექიმი არ შედიოდა გარკვეული საათების განმავლობაში... თვითონ ექიმების მიერ დაფიქსირებულია, თუ რა საათებში შედიოდნენ აღნიშნული ექიმები.  შემიძლია სრული პასუხისმგებლობით გითხრათ, რომ არის 14 საათი, როდესაც არ შედიოდნენ პაციენტთან,“ - ამბობს გაიოზ ჩარკვიანი.

პროკურატურამ რესპუბლიკური საავადმყოფოს უფროს ექთანს ბრალი წაუყენა. თეა ბეგიაშვილს საგამოძიებო უწყება ყალბი ოფიციალური დოკუმენტის დამზადებას და გამოყენებას ედავება.

ექთნის მიმართ წარდგენილი ბრალი ჯარიმას ან სამ წლამდე თავისუფლების აღკვეთას ითვალისწინებს. ადვოკატი აცხადებს, რომ მისი დაცვის ქვეშ მყოფი ბრალს აღიარებს, თუმცა ამბობს, რომ მან შეცდომა დოკუმენტების გაყალბების ნაწილში უნებლიედ ფორსმაჟორული სიტუაციიდან გამომდინარე დაუშვა.

"მას არანაირი შეხება არ ჰქონია ნარკოტიკებთან. თეა ბეგიაშვილი ამბობს ერთადერთ რამეს, რომ მოგეხსენებათ, ეს აგვისტოს თვე იყო, პიკი იყო, როდესაც სამედიცინო სისტემა იყო ზე ფორსმაჟორულ სიტუაციაში. აქედან გამომდინარე, 10 ექიმის, 10 ექთნის მოვალეობას ასრულებდა რამდენიმე და ერთ-ერთი იყო თეა ბეგიაშვილი, რომელიც განიცდის, რომ ექიმები და ექთნები რადგანაც არ იყვნენ, მან სამედიცინო ისტორიაზე მოაწერა ხელი. მას შეიძლება ითქვას, არ ევალებოდა ამ ხელის მოწერა,“ - ამბობს თეა ბეგიაშვილის ადვოკატი, გიორგი გელენიძე.

ასევე საინტერესოა:

🔵 თბილისში უმძიმეს ავარიას 17 წლის გოგო ემსხვერპლა - მისი სამი მეგობარი კი საავადმყოფოშია

🔵 საგარეჯოში მომხდარი შეიარაღებული თავდასხმის დროს დაღუპულ 4 პირს დღეს დაკრძალავენ

მასალის გამოყენების პირობები





სხვა სიახლეები

1708403502

ჰოროსკოპი

რა გელოდება დღეს - 20 თებერვლის ასტროლოგიური პროგნოზი ზოდიაქოს ყველა ნიშნისთვის

ვერძი წარმატებული და ნაყოფიერი დღეა. კარგი განწყობა სწრაფად და მარტივად მიღწევაში დაგეხმარებათ. მარტოხელა ვერძს, სავარაუდოდ, მნიშვნელოვანი რომანტიკული შეხვედრა ელის. გირჩევთ, საღამოს საკუთარ თავს პატა...

ჰოროსკოპი

1708367180

სპორტი

კვარას და "ნაპოლი"-ს უახლოეს საათებში ახალი მთავარი მწვრთნელი ეყოლება

ავტორიტეტულ იტალიურ მედიაში გავრცელებული ინფორმაციით, უახლოეს საათებში ხვიჩა კვარაცხელიას და "ნაპოლი"-ს ახალი მთავარი მწვრთნელი-სლოვაკი სპეციალისტი  55 წლის ფრანჩესკო კალცონა ჩაიბარებს.  რუდი გარსიასა...

Coach

1708359535

სპორტი

ალექსანდრა კუვაევა იუნიორთა მსოფლიო თასის გამარჯვებულია

ალექსანდრა კუვაევა თბილისში მიმდინარე იუნიორ ხმლით მოფარიკავეთა მსოფლიო თასის გამარჯვებულია.  საქართველოს ნაკრების გამორჩეულმა წევრმა 1/2 ფინალში ნეიტრალური სტატუსით მოასპარეზე პოლინა მიშაკინა 15:12 დ...

Fenc

1708334974

ახალი ამბები

მეგობარს გულში შვიდი ტყვია ესროლა - თბილისში 24 წლის ბიჭი მოკლეს

შინაგან საქ­მე­თა სა­მი­ნის­ტრო თბი­ლის­ში, 25 წლის ბი­ჭის მკვლე­ლო­ბის შე­სა­ხებ ინ­ფორ­მა­ცი­ას ავ­რცე­ლებს. უწყე­ბის გან­ცხა­დე­ბით, აღ­ნიშ­ნულ საქ­მე­ზე ორი პი­რია და­კა­ვე­ბუ­ლი. ერთ-ერთს ბრა­ლად...

ზოგადი

1708329540

ახალი ამბები

ქარელში სახლის სარდაფში 138 გველი ნახეს

ქარელში, 138 გველი აღმოაჩინეს. ამის შესახებ ინფორმაციას რადიო თავისუფლება ავრცელებს. მათივე ცნობით, 17 თებერვალს ქარელის მუნიციპალიტეტის ერთ-ერთი სოფლის მიმდებარედ, კერძო ტერიტორიაზე მიმდინარე სამშენე...

ზოგადი