"დედას უნდა მკვლელს სასჯელი შეუმსუბუქოს, სინანულით მხოლოდ გადაუხდელ ქორწილს ნანობს" - ნიკო კვარაცხელიას დედის ემოციური მიმართვა

ნიკო კვარაცხელიას დედა, იზა ომაძე ფეისბუკის საკუთარ გვერდზე ემოციურ პოსტს აქვეყნებს:

“მალე გიორგობის ბრწყინვალე დღესასწაული შემოაბიჯებს 23 ნოემბერი, მას მერე რაც უფლის არსებობა გავითავისე, მისი მხედარიც ყველაზე ახლობელი გახდა ჩემთვის, წმინდა გიორგის სასწაულებრივი ძალა, ისტორიიდან, დიდგორის ბრძოლიდან კი არა შევიმეცნე, არამედ საკუთარ თავზეც არაერთხელ გამოვცადეთ, ჩემი ოჯახისთვის წმინდა გიორგი ძალიან ძვირფასია.

შარშან 23 ნოემბერს, გიორგობას მას შევავედრე: „წმინდა მხედარო, მის ნატანჯ სხეულს მის ფაქიზ სულსაც შენ უწინამძღვრე-თქო…“

მას მერე წელიწადზე მეტი გავიდა. 

და დიახ, წმინდა გიორგისთან ერთად ჩვენც ვდიდგორობთ, ამ დღეებში მორიგი უსამართლო და სამარცხვინო ბრძოლაა, დედას უნდა მკვლელს სასჯელი შეუმსუბუქოს, სინანულით მხოლოდ გადაუხდელ ქორწილს ნანობს, რომ არა უფლის შეწევნა ადამიანურ ინსტიქტ დაცლილი, ზომბების წინააღმდეგ, რას გავხდებოდით! 

დიახ, დედები, საბჭოეთის დროინდელი ობმოდებული ხერხით და ფულით იბრძვიან, ბობოქრობს სეთურის ინსტიტუტი მსახურთურთ, არაერთ სიბინძურეს თხზავენ, მაგრამ წმინდა გიორგისთან ერთად მწამს გამარჯვების, ჩემი ნიკო დიდგორობას დაიბადა, იდიდგორა და ვალმოხდილი დაგვყურებს ზეციდან, და მე სხვანაირად არც კი ძალმიძს რომ ხელები გულზე დავიკრიფო, და მისი სახელით სხვისი შვილები არ გადავარჩინო, უნდა განათდეს
ქვეყნის მტრებს ვინც ჩვენ შვილი მოგვიკლა, ვინც ხელმოცარული ახალგაზრდები გამოიყენა, წმინდა გიორგი აუცილებლად ისტორიის სანაგვეზე მოისვრის…

მანამდე?

მანამდე, გიორგობას გილოცავთ… შეგეწიოთ წმინდა გიორგის მადლი და წყალობა…

ვისაც გილხინთ, ლხინის დღეები გიმრავლოთ უფალმა, ჩემთვის სიმართლის მიტანა საზოგადოებისთვის და ჩემი შვილებისთვის იმის თქმა რომ მათი ძმა, მისმა თაობამ კი არა ქვეყნის მტრებმა გაიმეტეს ეს არის შვება, დიახ შვება!არ დავიღლები მადლიერების გამოხატვით, სრულიად უცხო ადამიანების მიმართ, ჩვენი უახლოესი მეგობრების ოჯახების, ჟურნალისტების მიმართ, ვინც ჩვენი ტრაგედია საკუთარ ტკივილად აქცია, უფალმა დაგლოცოთ და მრავალი ბედნიერი გიორგობა გაგითენოთ.“ – წერს იზა ომაძე

22 წლის ნიკო კვარაცხელია 2021 წლის 15 სექტემბერს, თბილისში, საცხოვრებელ კორპუსთან ახლოს, ცეცხლსასროლი იარაღიდან ათზე მეტი გასროლით, სასიკვდილოდ დაჭრეს. ის საავადმყოფოში მიყვანიდან მალევე გარდაიცვალა.

ასევე დაგაინტერესებთ:

🔵რა გელოდება დღეს? - 23 ნოემბრის ჰოროსკოპი, ზოდიაქოს ყველა ნიშნისთვის

🔵"დამადგა დაცვის თანამშრომელი და დამაბრალა, რომ დანა მოვიპარე... ჩემი ფეხი აღარ იქნება თქვენს მაღაზიაში"- რას ჰყვება ოთო ნემსაძე