„ევროპის საბჭოს წინ სასწრაფო დახმარების მანქანა დგას, ექიმებს ხარკოვიდან დაჭრილი მშვიდობიანი მოქალაქეები გამოჰყავდათ“ - რას წერს ქეთი ქარდავა

ჟურნალისტი ქეთი ქარდავა სოციალურ ქსელში წერს:

„ევროპის საბჭოს წინ სასწრაფო დახმარების მანქანა დგას. ექიმებს ხარკოვიდან დაჭრილი მშვიდობიანი მოქალაქეები გამოჰყავდათ, როდესაც რუსულმა აგრესიამ დაუნდობელი სახე გამოავლინა.

ომი 11 თვეა მიმდინარეობს. საომარ მოქმედებებზე და უკრაინის დახმარებაზე საპარლამენტო ასამბლეას გუშინ გერმანიის საგარეო საქმეთა მინისტრმა მიმართა. გერმანელმა დიპლომატმა დაბომბილ ხარკოვში შეხვედრები და თინეიჯერების განცდები გაიხსენა.

ანალენა ბერბოკმა თქვა,რომ მილიონობით ადამიანს განგაშის პირობებში უწევს ცხოვრება და თითოეული წამი გადამყვეტია იმ 45 წამიდან, რომელიც ადგილობრივებს თავშესაფარში მოსახვედრად აქვთ. მინისტრმა ხაზი გაუსვა პარტნიორების ერთიანობის მნიშვნელობას იმ ომში, რომელშიც რუსეთს ებრძვიან.

დღეს გერმანიის კანცლერმა #Leopard2 ტანკების უკრაინისთვის გადაცემაზე გააკეთა განცხადება. დისკუსიების, ვნებათაღელვის, უდიდესი მოლოდინის, ყოყმანის და გაჭიანურებული პასუხის ფონზე გერმანია ამბობს - კი - ს. კიევი მიიღებს 14 ლეოპარდს გერმანიიდან და მწვანე შუქია მოკავშირეებისთვისაც, გადასცენ გერმანული ლეოპარდები უკრაინას ..“ - წერს ქეთი ქარდავა.

ასევე დაგაინტერესებთ:

🔵 რა გელოდება დღეს? - 25 იანვრის ასტროლოგიური პროგნოზი

🔵  კოვიდინფიცირებული მიხეილ სააკაშვილი გიული ალასანიამ ხელწერილის საფუძველზე მოინახულა