"როცა იმ ადამიანის ოჯახის წევრი ხარ, ვინც იძახის, რომ ხელისუფლებას ქვეყანა რუსეთისკენ მიჰყავს, ლეგიტიმურია კითხვა: ამდენ ხანს, თავად რატომ არ წამოვიდა? - საგარეო საქმეთა სამინისტრო ის უწყებაა, რომელიც უშუალოდ აგებს პასუხს ქვეყნის კურსზე"

"გირჩი - მეტი თავისუფლებას" ლიდერის ზურა ჯაფარიძის ცოლი ნატა ქორიძე საგარეო საქმეთა სამინისტროდან რეორგანიზაციის მიზეზით გაათავისუფლეს.

ამ ფაქტს თავად ჯაფარიძე პოლიტიკურ გადაწყვეტილებას უწოდებს.

ჟურნალისტი მერაბ მეტრეველი სოციალურ ქსელში გამოეხმაურა ამ ფაქტს და შეფასებებს და წერს: 

"თუ პოლიტიკური ნიშნით გაათავისუფლეს ზურაბ ჯაფარიძის მეუღლე, ეს უკანონობაა პირდაპირ და ამაზე ორი აზრი არაა, მაგრამ მოდით, სხვა მხრიდანაც შევხედოთ ამ ამბავს:

მე ასევე ლეგიტიმური მგონია კითხვა:

ამდენ ხანს თავად რატომ არ წამოვიდა ამ სამინისტროდან?

როცა იმ ადამიანის ოჯახის წევრი ხარ, ვინც იძახის, რომ ამჟამინდელი ხელისუფლება ქვეყანას ღალატობს, არის რუსული ხელისუფლება და საქართველო რუსეთისკენ მიჰყავს, რად გინდა ასეთი ხელისუფლების ნაწილად ყოფნა?

გასაგებია, რომ პოლიტიკური თანამდებობა არ ეკავა, მაგრამ საგარეო საქმეთა სამინისტრო ის უწყებაა, რომელიც უშუალოდ აგებს პასუხს ქვეყნის კურსზე.

თუ ივანიშვილს რუსეთისკენ მიჰყავს ქვეყანა და დარჩიაშვილი ჯიუტად დასავლეთისკენ გვექაჩება?

ნუ ისიც შეიძლება, რომ არ ეთანხმება მეუღლეს, ქვეყანა რუსეთისკენ მიდისო,რომ იძახის... ესეც ვარიანტია", - წერს მეტრეველი.

ამავე თემაზე:

* ზურა ჯაფარიძის ცოლი წერს, რომ 17 წლიანი მუშაობის შემდეგ, საგარეო საქმეთა სამინისტროდან გაათავისუფლეს