„უკრაინა ცეცხლის ქვეშაა, ოკუპანტები აგრძელებენ მოქალაქეების დატერორებას“ - ზელენსკი

„უკრაინა ცეცხლის ქვეშაა, ოკუპანტები აგრძელებენ მოქალაქეების დატერორებას“, - ამის შესახებ უკრაინის პრეზიდენტი, ვოლოდიმირ ზელენსკი ტელეგრამ არხზე წერს.
 
„უკრაინა ოკუპანტების მიერ ცეცხლის ქვეშაა. ისინი აგრძელებენ იმის გაკეთებას, რაც საუკეთესოდ გამოსდით - მშვიდობიანი მოქალაქეების დატერორება და დახოცვა. მიკოლაივში მტერმა C-300 ტიპის რაკეტებით საცხოვრებელი სახლი გაანადგურა, ადამიანი დაიღუპა.

თავდასხმა იყო ყვავილების ბაზრობაზეც. მაინტერესებს, რის წინააღმდეგ იბრძოდნენ რუსი ტერორისტები ამ მშვიდობიან ობიექტებზე? ტერორისტული სახელმწიფო ამ ქმედებებით თავისთვის არაფერს შეცვლის. მხოლოდ დაადასტურებს თავის დესტრუქციულ და მკვლელ არსს, რომლისთვისაც აუცილებლად დაეკისრება პასუხისმგებლობა“, - დაწერა ვოლოდიმირ ზელენსკიმ ტელეგრამზე. 

უკრაინის შეიარაღებული ძალების გენერალური შტაბის განცხადებით, გასული 24 საათის განმავლობაში, მტერმა უკრაინის ტერიტორიაზე 10 სარაკეტო და 58 ავიაიერიში განახორციელა. თავდასხმები უკრაინის 35-ზე მეტ დასახლებულ პუნქტზე მოხდა.

გენშტაბის ინფორმაციით, ავიაიერიშები განსაკუთრებით ინტენსიური კიევის, ოდესისა და მიკოლაევის ოლქებში იყო.

ამასთან, გასული დღე-ღამის განმავლობაში, რუსებმა უკრაინაზე თავდასხმისთვის ირანული წარმოების 43 უპილოტო საფრენი აპარატი „შაჰედ-136“ გამოიყენეს. უკრაინელებმა 38 მათგანის ჩამოგდება შეძლეს.

ასევე დაგაინტერესებთ:

🔵 „არანაირი წყალი არანაირი კილომეტრები და არც ღამე გადავსულვარ“ - რას წერს ქალი, რომელიც ამერიკაში მექსიკიდან ე.წ. „გადამყვანების“ გარეშე ჩავიდა

🔵 მძიმე ისტორია: „მივედი უჯრა გამოვაღე და არც ერთი ცენტი, ჩამოვჯექი და იცით მართლა ვიგრძენი გახრწნილი სულის სუნი“ - ქალი ქმარმა ემიგრაციაში ჩვილ შვილთან ერთად მიატოვა

🔵 „საკუთარმა შვილებმა იძულებით ემიგრაციაში გამამწესეს და როგორც ნივთი ჩამდეს თვითმფრინავში“ - ემიგრანტის უმძიმესი ისტორია