ბერძენი ევროდეპუტატი და ევროპარლამენტის ყოფილი ვიცე-სპიკერის ევა კაილის ადვოკატები აცხადებენ, რომ მათ კლიენტს ციხეში არაადამიანურად ეპყრობიან

ბელგიის სასამართლომ ევროპარლამენტის ყოფილი ვიცე-სპიკერი, ევა კაილი პატიმრობაში, სულ მცირე, 2 თვით დატოვა.

ინფორმაციას ამის შესახებ Euronews-ი ავრცელებს.

მისი ადვოკატები ითხოვდნენ, რომ ევროპარლამენტარი გაეთავისუფლებინათ და მისი გადაადგილება ელექტრონული სამაჯურით გაკონტროლებულიყო.

გარდა ამისა, იტალიელ პარლამენტართა ჯგუფმა წერილით მიმართა ევროპარლამენტის თავმჯდომარეს, რობერტა მეცოლას, რომ ევა კაილის ბელგიის ციხეში არასათანადოდ ეპყრობიან - კამერაში ცივა, ხოლო მას კი არ აძლევენ მეორე საბანს და მცირეწლოვან შვილთან შეხვედრის უფლებას.

„საუბარი არ არის სასამართლო გამოძიებაზე, რომელსაც ჩვენ სრულად ვუჭერთ მხარს. საუბარია პატიმრობის პირობებზე, რომელიც შეუთავსებელია ევროპულ კანონის უზენაესობასთან. ამიტომ ვთხოვთ პრეზიდენტ მეცოლას მიიღოს შესაბამისი ზომები, რათა შეამოწმოს, შეესაბამება თუ არა კაილის ადვოკატის ბრალდებები სიმართლეს. ჩვენი დემოკრატიის ხარისხი განისაზღვრება იმით, თუ როგორ ვმართავთ ასეთ სიტუაციას“, - აღნიშნა ევროპარლამენტარმა, მასიმილიანო სმერილიმ.

10 დეკემბერს ცნობილი გახდა, რომ ბერძენი ევროდეპუტატი და ევროპარლამენტის ვიცე-სპიკერი ევა კაილი ბელგიის პოლიციამ დააკავა.

ის ფიგურირებს ანტიკორუფციულ გამოძიებაში, რომელიც კატარის სასარგებლოდ უკანონო ლობისტურ საქმიანობას ეხება.

გამოძიების ფარგლებში სამართალდამცველებმა კიდევ რამდენიმე ადამიანი დააკავეს. ჩხრეკის შედეგად ამოღებულია 600 ათასი ევრო, მობილური ტელეფონები და კომპიუტერული ტექნიკა.

ევროპარლამენტის პრეზიდენტმა რობერტა მეცოლამ კორუფციულ სკანდალში გახვეულ ევროდეპუტატ ევა კაილის მანდატი შეუჩერა.

ასევე დაგაინტერესებთ:

* "გვერდიდან ეს ყველაფერი ისე მძიმე დასანახია, სულ გგონია" - რას წერს პეტრე კოლხი?

* საპატრიარქო მრევლს თხოვნით მიმართავს - რა წერია განცხადებაში?

* "მტკიცედ უნდა გავაგებინოთ ევროპა-ამერიკას, რომ სააკაშვილი მსხვერპლი არაა - ახლა კი უბრალოდ ვიტყვი, რომ „თავისუფლების მოედანი“ კვლავ გაივსება"