"მობილიზაციას არ დაექვემდებარებიან IT - სპეციალისტები, ბანკირები და სახელმწიფო მედიის თანამშრომლები" - ვითარება მოსკოვში

რუსეთში გამოცხადებულ ნაწილობრივ სამხედრო მობილიზაციას არ დაექვემდებარებიან ტექნოლოგიების სფეროში მომუშავე პროფესიონალები, ბანკირები და სახელმწიფო მედიის თანამშრომლები.

ამის შესახებ ინფორმაციას სააგენტო „როიტერი“ რუსეთის თავდაცვის სამინისტროზე დაყრდნობით ავრცელებს.

უწყების ცნობით, მობილიზაციას არ დაექვემდებარებიან კრიტიკულად მნიშვნელოვან სფეროებში დასაქმებულები.

ეს გადაწყვეტილება მიღებულ იქნა კონკრეტული მაღალტექნოლოგიური ინდუსტრიების მუშაობის უზრუნველსაყოფად, ასევე იმისთვის, რომ ნაწილობრივი მობილიზაცია არ აისახოს რუსეთის ფინანსურ სისტემაზე.

გაწვევას არ დაექვემდებარებიან IT-სპეციალისტები, ტელეკომუნიკაციის სფეროში დასაქმებულები, ფინანსისტები, ასევე „სისტემატურად მნიშვნელოვანი“ მედიასაშუალებების თანამშრომლები.

თავდაცვის სამინისტროს ცნობით, კომპანიების ხელმძღვანელობამ უნდა წარადგინოს იმ დასაქმებულთა სიები, რომლებიც აღნიშნულ კრიტერიუმებს აკმაყოფილებენ.

ნაწილობრივი მობილიზაცია რუსეთში 21 სექტემბერს გამოცხადდა.

პუტინის ქვეყნის სათავეში ყოფნა ფორმალურად თუ არაფორმალურად, უკვე 22 წელს ითვლის. რუსეთის მთელ რიგ ქალაქებში საპროტესტო აქციები ოთხშაბათს, მისი გამოცხადების დღიდან დაიწყო. პირველივე დღეს ომის საწინააღმდეგო მიტინგები რუსეთის 38 ქალაქში გაიმართა. პოლიციამ 1 300-ზე მეტი ადამიანი დააპატიმრა. ინფორმაციას რუსეთის დამოუკიდებელი მედიასაშუალებები ავრცელებენ.

ქვეყნის დატოვების მსურველთა რიცხვიც მაშინვე გაიზარდა. თვითმფრინავის ბილეთების საფასური ახლა მარტო ერთ მიმართულებაზე $5 000-ზე მეტია. 

ამავე თემაზე:

*გალკინის შემდეგ რუსი სამართალდამცავები ალა პუგაჩოვას პერსონით ინტერესდებიან

* reuters: რადიაციის საფრთხის გამო, პოლონეთი რეგიონულ სახანძრო განყოფილებებს იოდის აბებს ურიგებს