ახალშობილს, მამის გვარი ავტომატურად აღარ მიენიჭება - იტალიის საკონსტიტუციო სასამართლო, ამას დისკრიმინაციად მიიჩნევს

იტალიის საკონსტიტუციო სასამართლომ დისკრიმინაციულად მიიჩნია ბავშვისთვის მამის გვარის ავტომატურად  მინიჭება. სასამართლოს გადაწყვეტილებით: „არაკანონიერია ყველა ის წესი, რომელიც ავტომატურად ანიჭებს შვილს მამის გვარს“.

ცვლილება ახალი წესის შესახებ, საკრებულოს პალატამ დღეს დაადგინა.

საკონსტიტუციო სასამართლოს კომუნიკაციისა და პრესის სამსახურის განცხადებით, სადავო ნორმები არალეგიტიმურად იქნა ცნობილი კონსტიტუციის მე-2, მე-3 და 117-ე მუხლების პირველი პუნქტისგან განსხვავებით.

ახალი წესის თანახმად, ახალშობილს ავტომატურად მიენიჭება ორივე მშობლის გვარი. გვარის თანმიმდევრობაზე კი მშობლები შეთანხმდებიან. ასევე, მშობლების, შეთანხმების საფუძველზე, შეუძლიათ მხოლოდ ერთი გვარი დაუტოვონ.

ბავშვები და გვარები: ახალი წესი

„ბავშვი იღებს ორივე მშობლის გვარს მათ მიერ შეთანხმებული თანმიმდევრობით, გარდა იმ შემთხვევისა, როდესაც ისინი ურთიერთშეთანხმების საფუძველზე მიღებული გადაწყვეტილების თანახმად, აირჩევენ, რომ ბავშვი მხოლოდ ერთი გვარის მატარებელი იყოს“. - ეს არის საკონსტიტუციო სასამართლოს მიერ დადგენილი წესი.

თანასწორობის პრინციპის შესაბამისად და ბავშვის ინტერესებიდან გამომდინარე, ორივე მშობელს უნდა შეეძლოს მისი გვარის მინიჭების შესაძლებლობა, რაც პიროვნული იდენტობის ფუნდამენტურ ელემენტს წარმოადგენს. 

აგრეთვე დაგაინტერესებთ:

📌 იტალიაში, ქალაქ მოდენაში, მკერდის კიბოს მკურნალობა, უახლესი მეთოდით უფასოა

📌 როგორ შეგიძლიათ მიიღოთ ევროკავშირის მუდმივი ბინადრობის ნებართვა იგივე il permesso di soggiorno illimitato UE

📌 1 მაისიდან, იტალიაში „მწვანე პასპორტის“ და პირბადეების ტარების ვალდებულება იხსნება

📌 ემიგრაცია: „ქრისტიანობა გაყიდული სამსახურის ფულით ტაძარში დანთებული დიდი სანთელი არაა, არც ნაჩქარევად გადაწერილი პირჯვარი და არც მუხლებზე დგომა“ - ლელა ლაჩაშვილი