„ნუნციუსის იდეა გახლდათ, საქართველოში მაღალი ხარისხის ციფრული „სიქსტეს კაპელა“ ჩამოეტანა“ - წმიდა საყდრის წარმომადგენელი

წმიდა საყდრის წარმომადგენელი, ჯაბა გაბიტაშვილი ვატიკანში იმყოფებოდა.  ჯაბა გაბიტაშვილის ვატიკანში ვიზიტი, მიქელანჯელოს ფრესკების ციფრულ ვერსიას უკავშირდება.

წმიდა საყდრის წარმომადგენელი პირადად მონაწილეობდა ვატიკანის მუზეუმებიდან, მიქელანჯელოს ფრესკების ციფრული ვერსიის და „ვირტუალური სიქსტეს კაპელის“ სურათების გადაცემას.

ციფრული სურათების „ჩამოტვირთვას“ რამდენიმე საათი დასჭირდა.

როგორც გაბიტაშვილმა Exclusivetv.ge-სთან საუბარში აღნიშნა, 24 საათზე ნაკლებ დროში, „სიქსტეს კაპელა“ თბილისში იქნება. ციფრული „კაპელას“ ჩვენება მოახლოებულ, ისტორიულ დღესასწაულზე გაიმართება. 

მისი თქმით, საუბარია, გასულ წელს, სამების საკათედრო გუნდის მიერ „სიქსტეს კაპელაში“ გამართულ კონცერტზე. წელს ხსენებული ღონისძიების ერთი წლის აღსანიშნი საღამო გაიმართება. 

ჯაბა გაბიტაშვილის თქმით, ელჩის იდეა გახლდათ საქართველოში მაღალი ხარისხის ციფრული „სიქსტეს კაპელა“ ჩამოეტანა, რათა დახურულ სივრცეში მისი პროექცია მომხდარიყო და შექმნილიყო სივრცე, სადაც ქართველებს შეეძლებათ თავი იგივე გარემოში იგრძნონ. 

2022 წლის 26 ივნისს სიქსტეს კაპელაში თბილისის სამების საკათედრო ტაძრის მგალობელთა გუნდმა კონცერტი გამართა. კონცერტი საქართველოს პრეზიდენტსა და რომის პაპს შორის 2021 წელს, წმინდა საყდარში ოფიციალური ვიზიტისას მიღწეული შეთანხმების საფუძველზე გაიმართა.

სიქსტეს კაპელაში ქართველებმა პირველად იგალობეს. საქართველოს საპატრიარქო გუნდის კონცერტი ვატიკანის ტელევიზიით პირდაპირ ეთერში გადაიცემოდა.

წელს, წლის თავის აღსანიშნავ საღამოზე სამების გუნდი შესაბამისი პროგრამით იმღერებს.

ხათუნა შარაძე/ Exclusivetv.ge/იტალია