„ან დედები როგორ გქვიათ, ან ქალები, ან ადამიანები, ბავშვებს რომ არ ინდობთ... “ - რას წერს ნათია ბერიძე?

ჟურნალისტი  ნათია ბერიძე სოციალურ ქსელში სტატუსს აქვეყნებს და ქვეყანაში მიმდინარე მოვლენებს ეხმაურება.

იგი მიმართავს, ახალგაზრდული განათლების ომბუდსმენს და საქართველოს სახალხო დამცველს. 

„სულ პატარა ბავშვებს რომ ეთერ-ეთერ დააწოწიალებთ, აყვირებთ და საშინელებებს ალაპარაკებთ, ბავშვის საუკეთესო ინტერესები ამ დროს სად არის? ის ბავშვი, რომ გაიზრდება და პასუხი მოგთხოვოთ რას აკეთებთ მერე? ყველაფერი შეიძლება იკადროთ? იმ ბავშვებს მომავალი, ცხოვრება, რატომ გინდათ რომ დაუნგრიოთ და დაუსტრესოთ? მასოვკას ქმნით პატარა ბავშვებით რომლებსაც არაფერი ესმით კანონის? და? ის რომ იტყვის არა რუსულ კანონსო რა იცვლება იმის გარდა, რომ ამ ბავშვების უფლებები ირღვევა? სად ჯანდაბაში ხართ ამ დროს უფლება დამცველები?

ხმას რატომ არცერთი ორგანიზაცია არ იღებს ამაზე? იმ ჟურნალისტებს მიკროფონებით რომ დასდევენ 7-8 წლის ბავშვებს, ქარტია რატომ არაფერს ეუბნება? რა ხართ ასეთი უჯიშო ცივ სისხლიანები?! ან დედები როგორ გქვიათ, ან ქალები, ან ადამიანები, ბავშვებს რომ არ ინდობთ. წარმოდგენა არ მინდა რამხელა ბულინგის გავლა შეიძლება მოუწიოთ იმ ბავშვებს სამყაროში, სადაც უბრალოდ განსხვავებული შარვლის ფერის გამო აბულინგებენ ერთმანეთს სკოლაში თუ ქუჩაში, ესენი რომ თინეიჯერები იქნებიან მერე მითუმეტეს

რას უკეთებთ თქვე უჯიშოებო რას“, - წერს ნათია ბერიძე.