დიმიტრი ხუნდაძე: კითხვის დასმა, არ არის თავდასხმა - ეს არის დასავლური ღირებულებების მნიშვნელოვანი ნაწილი

"კითხვის დასმა, ვფიქრობ, არ არის თავდასხმა. ეს არის დასავლური ღირებულებების მნიშვნელოვანი ნაწილი",- ასე ეხმაურება "ქართული ოცნების" ყოფილი დეპუტატი დიმიტრი ხუნდაძე, ირაკლი კობახიძისა და მთავარი არხის ჟურნალისტს შორის მომხდარ დაპირისპირებას, რომელსაც დიდი აჟიოტაჟი მოჰყვა.

როგორც ხუნდაძე წერს, ამ მაგალითზე კელი დეგნანისთვის დასმული კითხვები გაახსენდა, რომელიც ამ დრომდე პასუხგაუცემელია.

ახლა კი ხუნდაძის თქმით, დროა ივანიშვილმა უპასუხოს შეკითხვას, იყო თუ არა ომის შემდგომ, ასეთი შეხვედრა აშშ-ს ელჩთან.

"ამერიკასა და ევროპაში კითხვები ისმება და კითხვებზე სცემენ პასუხს.

ასე რომ, საქართველოში დასმული კითხვებიც არ უნდა იქნეს აღქმული თავდასხმად და ამ კითხვებს სჭირდება პასუხი.

ის, რაც მიუღებელია ამერიკაში - მაგალითად, ხელისუფლება იცვლებოდეს ხელოვნურად რევოლუციური სცენარების გზით -  ეს მიუღებელია, რა თქმა უნდა, საქართველოშიც.

მაგალითად, ის, რომ სასამართლო გადაწყვეტილებების რევიზია არ უნდა ხდებოდეს საელჩოებში. მსგავსი რამ, ვფიქრობ, არ ხდება არც ამერიკაში და არც ევროპაში.

რა თქმა უნდა, არ უნდა ხდებოდეს საქართველოში.

ასე რომ, კითხვების დასმა - ეს არ არის თავდასხმა და ვფიქრობ, რომ პოლიტიკური კეკლუცობის დრო არ არის და უფროსი ძმის უმცროსთან ურთიერთობა ჩვენ დავასრულეთ.

გვახსოვს ეს ძალიან მწარედ რუსეთთან ურთიერთობაში. 

ასე რომ, შემოთავაზებული, სახეცვლილი დასავლური ურთიერთობები, ვფიქრობ, რომ ორმხრივ თანამშრომლობას აზიანებს და ეს ხელს აძლევს მხოლოდ რუსეთს.

ასე რომ, ეს არ არის ანტიდასავლური, - ეს არის ანტირუსული მსჯელობა და ვფიქრობ, უპირველესად და უპირატესად ემსახურება ქვეყნისა და საზოგადოების უსაფრთოებას, რაც დღეს კითხვის ნიშნის ქვეშ დგას.

ჩვენ ამ მნიშვნელოვან კითხვაზე პასუხს ველოდით კელი დეგნანისგან, მაგრამ როგორც სხვა კითხვებზე ვერ მივიღეთ პასუხი, ვერ მივიღეთ პასუხი ამ კითხვაზეც.

მან თავი აარიდა.

ასე რომ, ჩვენ გვინდა გავიგოთ პასუხი ახლა უკვე ბატონი ბიძინასგან - იყო თუ არა ომის შემდეგ ამგვარი შეხვედრა და, თუ იყო, რა თემებზე იყო იქ საუბარი",- აცხადებს დიმიტრი ხუნდაძე.

ასევე დაგაინტერესებთ:

🔵 „ჩემი ოჯახი ახლა უსაფრთხოდ არ არის, გვისმენენ, გვიყურებენ... დაგვეხმარეთ“ - სოსო გოგაშვილის შვილი საელჩოებს მიმართავს

🔵 ოპოზიციონერი დეპუტატები საგარეო საქმეთა მინისტრს - „სრულიად მიუღებელია დუმილი და უმოქმედობა, ბიჭვინთის ფაქტობრივი ანექსიის საკითხზე“

🔵 „თბილისური დღეები მილანში“ - საგრანტო პროგრამის ფარგლებში პროექტის გამარჯვებული იტალიაში ინგა მჭედლიშვილი გახდა